انا احسب انك ماتغيرك الايام

[الاصيله]

أنا أحسـب انـك ماتغيـــرك الايــام=وأثـــرك تبــعت الغـــير والله يهنيـــك
قامــت توميبــك عواصيــف الايــام=وأصبحت ناسيني وأنا أمسيت ناسيـك
كنت أعشقك وأموت في حبك أعوام=ويهــل دمعـي كـل ماحـل طاريــك
وان غبـت عني سـاهر الليل مـا أنـام=وليـا زعلت أزعـل لحتـى أراضيـك
ولا أستـمع فـي حبكـم هـرج نمـام=من زود حبك يا الغضي ما استمع فيك
حتى بعيني شفت مشـيك بالأقـدام=تمشــي طــــريـق(ن) للخيانه يوديــك
تمشـي ورى والنـاس تمشي لقـدام=وعزي لمن مثلي جهـل في مماشـيك
عقب الغـلا والحـب نكست الأعـلام=بعتك بعد مابعتني كيف ابي اشريـك
واليــوم مابغا شوفتـك لو بالأحـلام=اكرهك واكره طـاري الـلي يطريـك

الشاعر مسفر الرشيدي