ياهبوب الريح هبى مع انسام النسيم = وابلغى راع الوفا لين يعرف مطلبي
من هواجيس تعرف الكريم من اللئيم = واسبحى فى بحر جده وبحر ابوظبي
واقلطى لمحمد الذيب ابوكفٍ كريم =مقدم الفزعات مار الذكى ماهو غبي
سيف عز وسيف ماقف من الوقت القديم = ورثت اجداده ماجاته كذا تحبي حبي
ياشجيعِ يحتميها ليا جت فى الصميم = تاج راسي يامحمد ومحزم منكبي
سمعتك يدرى بها كل رحال ومقيم = ياصحافه ياقنوات الفضاء هيا اكتبي
اكتبى مافى الضمير الحي بالقلب السليم = بالبيوت اللي تنومس بخط اليعربي
انت رجل المرجله وصدق والله العظيم = سقت رجلك في المراجل وخصمك يتعبي
يامحمد يافخر كل رجالٍ حشيم =كاسب الامجاد بالفعل وابليس يهبي
من سلالة روس قومٍ يضدون الخصيم = لقبلت للقوم من فعلها تسبا سبي
منزلك فوق الكواكب ولك شانٍ عظيم = قدركم كبير ياحي والله من صبي
كلمة اهل الحق تعطى لرجالٍ فهيم = ماتقدم غار للى سواتك فى شنبي
جيت لك يا الذيب ناصي من حدود القصيم = من نصاك تقول اًمر وهيا وشتبي
وياهبوب الريح هبى مع انسام النسيم = وابلغي راع الوفا لين يعرف مطلبي
30-03-2011, 02:25 AM
العرض الشجري