السلام عليكم ورحمة الله وبركاته وهذه القصيده في الأخ عبدالله بن محمد النويران وأبو محمد يستاهل أكثر من هذه القصيده :
سلام يامن فــــيه تنقال الأمثال = تنقال فيه الى حصل فيه طاري
يحق لـــه فــــيه التماثيل تنقال = حشيم وحسابه بالأمجاد جاري
ماقلتها قصدي بها حساب الأموال = المجد سوقه فيه بايع وشاري
المــــــدح يلقا له على القرم مدخال = وان قيل في غير السنافي هذاري
اخص عبدالله عسى عمره أمهال = عبدالله النويران مدحه أجباري
عبدالله اعده قبـــــــل كل رجــــال = وأفرح بذكر ابومحمد واماري
حيث ان عبدالله مثل نايف الجال = ولا الجدي فيه اقتدى كل ساري
عبدالله النويران من روس الأبطال = تاريخهم سطر بخشم السواري
ربعه بني خالد لها المجــــد مازال = قــــبيله كل بـــــــها صار داري
تعرف بني خالد عبر كل الأجيــال = سادو وقادو في المدن والصحاري
صديقهم مايشتكي هــــــم واذلال = وعدوهم يصبح من العز عاري
وفعل المهاشير أتضح كنه اهلال = رجالهم يـــــوم المثارا يثاري
رجالهم يرسي على كل الاحوال = غصب على جميع من كان زاري
يابومحمد جعل تفـــــداك الانذال = حنــــــا نعدك نورنا في الغداري
وأنت الذي صداقتك تشرح البال = ممشاك سنداء مامشيت انحداري
العرض الشجري