نود الهوا شوق ٍ ونود ٍ على عوق .. مصافحه اولى

[سعد العجمي]

السلام عليكم ورحمة الله وبركاته

مسـّـاكم الله بالخير ..
.. هذي اول مشاركه لي في المنتدى .. وانشالله انها تعجبكم وتوفي حقكم .. وبأذن الواحد الاحد .. انها ما تكون الاخيره ..

.. مشاركة .. بسيطة .. انشالله .. انها .. تعجبكم ..

قد قلتها والقلب يدني به الشوق = يم الحبيب اللي له القلب يشتاق
كثر الصبر .. كرت ٍ مع الوقت محروق = نبديه بالشده وننهيه باشفاق
كن الصبر في وسط صندوق مطبوق !! = يقفي عليه الوقت والموت سبـّـاق
اقفى المثل في كل مطرود ملحوق = والفى بديله كل مشتاق ما طاق
على شبيه الريم والوصف .. غرنوق = غرو ٍ يسلـّـي يدمج الساق بفهاق
راع العيون الواسعه .. والهدب ذوق = راعي رموش ٍ ناعسه .. تسرق اسراق
لو يعرضون البيض والسمر بالسوق = ماله شبيهٍ كامل الحسن قد فاق
عقبه سمح قلبي وغدا الحال ممحوق = وعيني تهل الدمع وتحرق بي احراق
كن الوصايف فيك يالزين رقروق = ولا كما ريح النفل وقت ما راق
قد قلتلك ياقلب لا تامن السوق = فيه المنايا مركزات ٍ على ساق
نود الهوا شوق ٍ ونود ٍ على عوق = دام الخفوق اللي يبي الزين مشتاق