يــارازق الـلـي ينتـظـر شـوفــة الـطـيـر
وعيـنـه عـلـى الاحــرار دايــم شـفـوقـه
الخيـر عنـدك وانـت ماتـذخـر الخـيـر
والعبـد يسعـى وانــت تعـطـي حقـوقـه
وجـدي علـى اللـي يمنتنـوه الصقاقيـر
مـافـيــه طــيــر بـالـوصـايـف يـفــوقــه
ابـيـض ولــه عـنـد الصقاقـيـر تقـديـر
هــو مـنـوة الصـقـار عـشـقـه وشـوقــه
صـــارم وجـــارح بالـلـقـا كــنــه الــزيــر
لــه هـدتــن عـنــد الـرجــال امعـشـوقـه
مـخـالـبـه صـلـبــه ســـــواة الـمـسـامـيـر
طــيـــر الـحــبــاري مـايـعـيــزه لـحــوقــه
لــو انـهـا عــن مـوتـهـا ودهـــا اطـيــر
يجـيـبـهـا الــجــارح ولــوهـــي سـبــوقــه
فـعـلـه وزيـنــه زاد قـــدره عـــن الـغـيــر
غـلاه فـي قلـبـي سـكـن فــي عـروقـه
حـنــا عـلــى شـانــه مـشـيـنـا مــداويــر
والـعــيــن لاجــلـــه نـومــهــا مـاتــذوقــه
جبنا الزريق امع الشبك دون تقصير
وجـبـنـا لــــه الـبـرقــع وجـبـنــا سـبـوقــه
مـاودنــا الا شـوفـتـه حــــزة اعـصـيــر
ويـسـوقــه الله فــــي شـبـكـنـا يـســوقــه
واحـنــا لـنــا بالـصـيـد خـبــره وتفـكـيـر
نحـرص علـيـه ولا يـجـي فـيـه عـوقـه
والريـش نحـرص مايجـي فيـه تكسيـر
خـوفــن عـلـيـه ايـقــل سـعــره بـسـوقـه
وفـيـه انتبـاشـر بـعـد كــل المخـاسـيـر
بشـرى السحـاب الـلـي تـلامـع بـروقـه
عـبــرت مـــا بالـقـلـب يـانــاس تعـبـيـر
يـازيـن شــوف الـوكـر والطـيـر فـوقـه
22-10-2010, 12:46 AM
العرض الشجري