من هو السبب في منع تطبيق الاحتراف ..:@

[اميره باخلاقي]

بسم الله الرحمن الرحيم
سؤال راودني كثيراً في الفتره الماضيه ومع المشاكل الحاصله والكل يحاول تبرئة نفسه من اسباب الاخفاق...ولم اجد الحل الى الان ..والسبب في عدم وجود الحل ربما لانني انسان صاحب تفكير محدود او افتقر الى الخبره والسؤال هو؟
من هو الذي لا يريد تطبيق الاحتراف؟ الدوله الحكومه الاتحاد رؤوساء الانديه اللاعبين الاعلام ام نحن؟
انا اقول ان الاجابه هي رؤوساء الانديه
ليش قطيتها بروسهم؟
الحين نادي الغرافه يطلب بدر المطوع.....نادي الخليج يطلب فهد الرشيدي...يا اخي شكو ما توافق ادارة الانديه؟ وليش تقطع ارزاق اللاعبين؟ اذا كل نادي خليجي بيطلب لاعب كويتي بنرفض راح يغضون النظر عن اللاعبين الكويتيين ولكن عند القبول و ابداع اللاعبين مع انديتهم سيتجه انظار الانديه الاخرى لإستقطاب اللاعبين الكويتيين واحد تلو الاخر.
انزين يا ادارة النادي و يا رئيسه لا توافق لانك محتاج اللاعب...انزين عطه فلوس مثل ما الانديه اللي طالبته راح تعطيه؟؟ والا أخلي سبيله .....خله يروح يدور رزقه
السبب الثاني الحكومه
الحين لما بيروح لاعب يحترف بره الكويت شنو راح يكون وضعه مع وظيفته؟ فصل؟ يعني نفس بدر المطوع انسان ضابط و وظيفه راقيه ومستقبل زاهر..ما اعتقد اهو بنفسه بيروح يحترف ويترك الوظيفه حتى يتم فصله منها. ولازم يكون في قرار يعطي الحريه للاعب المحترف لانه وصل لمرحلة الابداع ويستاهل التفرغ اما اللاعب اللي ما يحترف مايستحق الحريه خله يداوم حاله حال غيره...لازم الحكومه تميز اللاعبين الموهوبين عن اللاعبين اللي مايدرون وين الله قاطهم
السبب الثالث اللاعبين
الحين لاعب تأتي له عروض ليش ما يزعل ليش ما يطلع بالصحف ويقول شنو هالظلم؟؟؟ يمكن لان اذا سوى هالشي راح يفكرون الانديه الخليجه انه ميت عليهم......بس ما عليه لازم في تضحيه من اللاعبين ضد رؤساء الانديه والحكومه حتى يتم اعطائهم الحريه
السبب الرابع نحن
كل شي نبيه بالقوه والمعارضات....اسقاط القروض ..اقالة الاتحاد...إلزام الادارات العليا بتطبيق قراراتنا.. يا جماعه مايصير جذي تخيل نفسك مدير قسم والموظفين بالقسم يطولون اصواتهم عليك ويبون تطبق شي بالغصب؟ من الطبيعي راح ترفض الخضوع لهم لان لو رضيت هالمره بتصير ضعيف بعيونهم و راح تتدرج المطالبات من المطالب الصغيره الى الكبيره.
السبب الرابع الاعلام
ضعيف جداً في اقناع الادارات العليا في اتخاف قرار تطبيق الاحتراف...والاعلام الكويتي حالياً للاسف مايملكون غير خلق الفتن ومحاربة اللاعبين والاداريين نفسياً ماكو ابداع.

وبصراحه انا ما ادري اي واحد اهو السبب بس اعتقد البدايه من رؤساء الانديه اللي مايخلون اللاعب يحترف ولا يعطونه فلوس