اللي يســـــــــــاوي عندي الكون كــــــله

[السهل الصعب]

ياوين اببدى والزمن صار لي شـين=ولمين بشكي وشتكي له بعله

زعل عل ي أصويحبي كامل الـزين=اللي يساوي عندي الكون كله

تكفون دلوني على الحل ذا الحين=ماريد واحـــــد من خوانه يذاله

وأنا سبب في مشكلة داعج العين=جيت اطمئن وزدت بالطين بله

من يوم جاني علمهم يوم الاثنين=صارت حياتي من بعدهم ممله

ومن شافني يقول غــــــرقان بدين= وانا غريقن باالرمــــوش المضله

ياطير يا اللي بالسماء لك جناحين=با الله مـــــر احبــــيـــبي ثم قله

ترى صويب الحــــب مــــاله مداوين=وحتى المطوع يطرده عن محله

يقول مالك غير واحــــــد من اثنين=اما تمـــــــوت او يقبلك صاحبن له

المبتـلي يشرب من المر كاسين = وانا شربت المـــــر مـن شان زله

يابنت انا صبري نفذ وفهمي زيــن=وذا الحين والله صابــــرن فوق ملـــه

والقلب شفقــانن لصـوت المحبين=والعين تــــــذرف دمعهــــا ثم تهله

عطني جوابك وترك الحكي بعدين =كثر الهموم اتزيد با القلــــب عله

شكواي جتك وبشتكي لك من الشين=تكفــى طلبتك حبنـــا لا تفله