لا تنخدع في ضحكت الـــــــــبــــــــنـــــــت يـا هيـة
لا تخدعـك واتقـول لبـى عيـونـك
عقد الهـوا لا تنظـرة ثـم تمضيـة
اقـرا وش العنـوان لا يخدعـونـك
وركز على الموضوع وافهم وش اعنية
وحاول تفسـر يـا عسـا الله عونـك
وركز على ما بين سطر (ن) وتاليـة
واقرا تمعـن واعـرف اللـي يبونـك
تلقى غرام اعتـاب حـب ومشاريـة
وعشق(ن) لو ان تقراه طيـر جنونـك
وفية التغلـي والجفـا مـع بلاويـة
وفية المدامع تشتكـي مـن جفونـك
واعرف من الموضوع وش هي توالية
وراجع ضميـرك لا تخيـب ضنونـك
وان كان تبقى الحق موضوعك اطوية
تبكي عيونـك ثـم تضحـك سنونـك
حب(ن) بليا شرع وش حاجتـك فيـة
تسهر مـع القمـرا تسامـر لحونـك
واخـذ الكـلام اللـي قويـة معانيـة
واعرف ترا من خان لجلـك يخونـك
10-07-2010, 09:24 PM
لاتـنــخــدع فـي ضــحــكــت الـــبــنـــــــت يــاهـــيــــــــــــــــــة
العرض الشجري