× دمــــــــــــــوع آلمــ ح ـــآبـــر ×.. }~

[طبــ ع ــي كــذآ.. }~]

قبل كم يوم مدري اي يوم بالظبط لآن الساعه الزمنيه عندي عكس الناس الى اجل غير مسمى


الوكاد انه يوم ويك ايند

يقولون انه الجمعه


من قعدت من النوم وانا اسمع امي تقول تراني علمتكم لحد يرقد انا بروح لآمي اليوم
وما علي منكم ترا بروح و اخليكم


<--مواصله ولا رقدت لكن لعيون الماما وميمتها نواصل


الساعه اربع ونص العصر يرن التليفون ولا بنت خالتي متصله تقول ان خالاتي الثنتين
وبناتهم مجتمعين بكويت ماجيك ع البحر وتبينا نجيهم


حنا وجهتنا للعجوز وامي ماحطت في بالها تروح مكان بس نطرنا نصلي وتفطر امي لآنها كانت تصوم الآيام البيض وعقب طلعنا ورحنا للعجوز على ما خلصنا وطلعنا خذينا وقت


وطبعا عندي وحده مشاءالله من تقابل المنظره تنسى الدنيا المسكينه ماتصدق متى تشوف خشتها

طبعا وبلا شك دائما هي سبب عرقلة السير والإزدحام المروري ولو تقولون وش سبب تواجد اليهود بفلسطين بقول لكم هي بلا آدنى شك


المهم توكلنا على الله وطلعنا وصلنا للعجوز فديت عينها قعدنا عندها ساعتين واكثر

وطول هالساعتين في طرف حنان وده بالروحه للبحر


وطبعا تنغز للماما من غير محد يدري

بس العجوووووز الله يستر عليها تلقطها وهي طايره

المهم امي قالت يلا مشينا يابنات


<---آنا عباتي علي انتظرت يلبسون عبيهم واتابع ملامح جدتي بصمت :\

وعندها خالتي الصغيره قاعده عند زاوية السرير وتكلم بالتليفون توها راده من درس وماراحت معهم :\


العجوز كانت قايله للشغاله تزين العشاء وقلنا ماودنا بالعشاء ما حنا بجواعه
وراسها يابس جعلني قبلها خلت الشغاله تسوي العشاء بس حنا ماتعشينا طلعنا

والعشاء عادي خفايف يعني عشاهم كل يوم بس زايدين الجيله شوي

ويوم شفناها صامله اختي قالت لآمي خلاص ماله داعي نروح بس الحين امي قد ودها بالمراح :\

انا سبقتهم آدق السياره سلف وانتظرهم




توجهنا لـ بوحليفه وصلنا لمجمع كويت ماجيك دخلنا ورحنا صوب البحر

اجرينا عمليات بحث عن باقي افراد العائله الكريمه

ياليل ذول وين راحو :\


منخشين ورا الصبه اللي بنص الشاطيء


رحنا وقعدنا وانبسطنا وعدت الليله بسلام


وهذي لقطه خذيتها لقمر 14 امام البحر






ماطولنا قعدنا شوي وسرينا





يوم السبت مر عادي مثل غيره بس ع الساعه 8 بالليل اتصلت الوالده على جدتي


العجوز شالت بخاطرها وتقول انتوا ماتجوني الا مرور


آفاااااا ياذا العلم


حنا عادتا انا واختي مطيحين الميانه مع يديده لبى قلبها
يعني ناخذ السماعه من الماما ونتحرش بالعجوز ونتغشمر معاها
وبما انها حطت في بالها ان اختي هي المحرض الآول
والحنانه الكبرى على المراح اختي خمطت السماعه وبإسلوبها الغشمري حاولت تفهم العجوز



لكن الصدمه الكبرى




العجوز ماردت عليها قلنا فصل الخط ولا ماتسمع



آلووو



آلووو



ماترد





آمحق سنه




خذت امي السماعه وقالت الو ردت عليها العجووووووووز



بس اختي تضايقت وراحت حجرتها تبكي

آمي انشدت جدتي قالت لها نحسبه انقطع
الله يهداش يمه ليه قالت ودي <--ماتغشمر



اظطرب الجو شوي لآن وضعنا حساس جدا ومشاعرنا مررررررررهفه وامي تضايقت من الموقف


بس صلت العشاء وقالت بكرا بأخذ ريوق وبروح لآمي وآرغمتنا على القعده والروحه



<---دايم كبش فدا دايم



طيب تآمرين



على غير العاده وسجل ياتاريخ نمت الساعه تسع وقعدت الساعه خمس


وعليهاااا لين دقت ساعة سندريلا <--وناثه حلوه الحياه كذا بس مالكم امل استمر


المهم قعدنا الصبح مع اني رديت غطيت وجات المزعجه تقعدني <--ياربي انا وش دخلني

آبي آرقد


<--صوت امي من تحت هع مافيش يمه ارحميني تقومين يعني تقومين



حكم سويد زين



قمت ولبست وقعدت سنه انطرهم ورحت السياره ادقها سلف <--سار لي ثمان سنين ادقها سلف ولي الحين ماجاتني ترقيه عشان اسوقها


الشكوى لله


الوكاد نقعوني بالسياره هذول اللي يلا ويلا هااا


ميمتي لبى عنونها طالبه من المطعم ترويقه والمطعم دق عليها مرتين يقول ترا ريوقكم برد اخلصوا تعالوا اخذوه <--انقلبت الآيه


مرينا خذينا الطلب وطلعنا لبيت العجوز دايركت


طبعا قلبي دليلي وادري انهم بيتكوووون ولاهم رادين الا حزة الظهر وانا دوامي يبلش الساعه ثلاث لازم الساعه 2 ونص اطلع من البيت

خذيت اغراضي معاي <--جيده


بعد ناقصه ينكبوني انا


<--اتذكر شكلي وانا ضامه كتبي على صدري وامي تقول خليهم بالبيت محنا قاعدين سنه
وانا اقول مابدي بتطولون <--هههههههههه ياعيني على المجتهده


الحين فبيت العجوز دخلنا بهدوؤوؤوء تام نو بودي نو آبآوت آس


محد يدري عنا ما عطيناهم خبر


دخلنا وازعجنا العجوز وقعدناها كانت منسدحه امي واختي سوو فعاليات


يمديكم تغنون مثل امي هيييله يارمانه الحلوه زعلانه ههههههههههههههههههه



يالبى عنونها تقول لا لاانتوا ماحولكم زعل

بس يوم انها فاقعه كبدي مارديت عليها خخخخخخخخ


<--طبعا انا واحد نفر داق الثقل مالي شغل بالموضوع وامي تقول لجدتي يووومتي هما ذي

ذي اللي هي انا



<--الله يستر الله يستر هااه


هما ذي بعد تنغزني وتقولي يمه يلا خلينا نروح


<--افضحتنيييييييييييييييي


بس مره وحده قلت خلينا نروح لآني منذو مبطي مارحت للبحر وخاطري اقعد على الشاطي


بسسسس جدتي ردت رد افحم الجمييييع هياااا



جدتي : لآ لآ فلانه ماتقول شي بنتش ذي حنانه واللي تبيه توصل له اما فلانه ابخصها

لبااااااااا العرب في ذمتي


صوتت للشغاله وجابت لنا سفره وقالت اقعدوا تقهووا

وفرشنا سفرتنا وذا اللقطه لكم اقلطوا






راضينا عجوزنا وتريقنا وريقناها وقعدنا وسولفنا وفضينا راسها وصلينا الظهر وقعدنا شوي
طلعنا قبل نهاية الدوامات لان اختي غايبه المفروض انهم مايسجلون غياب لآنهم آنهوا المنهج

بس مدرستها نظامها معفن لازم طبيه حتى لو اخر يوم بالدراسه

يفقعون الكبد



مرينا وخذينا طبيه لها بس لي الحين باقي على دوامي ساعه وشوي :\


زبنا الكوووووت


بس كان ذاك اليوم حايشتنا موجه من القحط مفلسين تقريبا بس انا غنيه عندي قيمه آيس موكا معي بالبوك وباقي حق موكا ثاني بحسابي



هذا الموكا حقي و عقب ماكسرت خاطري اختي رحت اخذ لها واحد عشان لا اشرق وانا اشربه بس


طبعا هاليوم سار جوله عالميه تكتب بالتاريخ


وسجل ياتاريخ طبــ ع ــي كــذآ تعتلي برج الكوت لآول مره من تم افتتاحه


<--الله من الذل هههههههههه


اخذت هاللقطتين من الدور الثاني جيت بصعد للثالث وحلفت على عمري



هذي





وهذي



وجات الساعه ثلاث ورحت لدوامي ساعه ونص وطلعت ورحت للبيت وما اعرف احد ولحد يكلمني وينش يالمخده واسدح خشتي عليش

وتوتا توتا خلصت الحدوته