(رديــة) ... بين ...

[ناصر العظيمان]

بسم الله الرحمن الرحيم



هذي ردية بين اثنين

الاول اخيكم/صقر الوادي

والثاني اخيكم/سيف الظفر

. .

. .

صقر الوادي

انشدك عن سيف الظفر والشجاعه
يوم اقبل الغازين ما بان زوله

سيفٍ صقيلٍ ضاريٍ بالبراعه
محدٍ على الجزلات يقدر يطوله


سيف الظفر

الحق مهما غاب ما ظلم شعاعه
اسمع كلامي وافهم اللي بقوله

سيف الظفر يا خوك ماخذ مناعه
من كل من تحته ويبغى اللي حوله

سيفٍ صقيل يسل في كل ساعه
وتشهد له الفرسان في كل دوله

والكل منا مبدع وبه قلاعه
ومنهو مثل شرواك صعبٍ وصوله


صقر الوادي

سيف الظفر لا ينخدع بأندفاعه
لوكان ذكره ما يناقض فعوله

لا صار في قاعٍ على غير قاعه
لا يامن الوادي تحدر سيوله

لا يامن الوادي وحوله سباعه
من يقربه لابد يوجس جفوله

وصيتي حطيتها لك وداعه
الدرب موحش والجمال محموله


سيف الظفر

سيف الظفر ذبح اسود وضباعه
وقطع رقاب ملوك حزة سلوله

ياناصح الفارس يرخي ذراعه
في وسط حربٍ والنفوس مغلوله

نصيحة الناصح تسبب ضياعه
وسيف الظفر ما ابدا عليها قبوله

نتعب على الجزله وفيها طماعه
وانته بخصت الشعر وتعرف اصوله


صقر الوادي

الشعر موروثي وعندي وداعه
عبرت بحره من سنين الطفوله

تخضع لي الجزلات سمعٍ وطاعه
واشعب ركاب الشعر واسرج خيوله

ياناطرين الحرب وقت اندلاعه
اللي سلم راسه قطعنا رجوله

الحرب طالت والعذارى فجاعه
والكل منا مهتني في محصوله

سيف الظفر سميت سيف الشجاعه
وانا اشهد انك فالشعر من فحوله


سيف الظفر

ياللي بديت الشعر عندي انقاعه
انا عقدت الشعر وعندي حلوله

والسيف ينقى الجزل والهزل باعه
وله في ميادين الشعر كم بطوله

واذا دخل بالبحر ما ارخى شراعه
مثل الجبل راسي ولا غاب زوله

وان قامت حروبك بوقت الشناعه
تلقاه متصدي وعنده سيوله

واختامها والشعر طاب استماعه
معاك يا صقر الظفر والرجوله


وسلامتكم