,
السلام عليكم ورحمة الله وبركاته
اسـلـي خـاطـري واكـتـب وكـنـي ماشـكـيـت الـبــاس=عـلـى عـيـن الـعــرب كـنــي سـعـيـد وطـيــبٍ حـالــي
وانا لي حول خمس شهـور مافارقنـي الهوجـاس=مـــع الايـــام مــــدري ويــــش راح وشــهــو الـتـالــي
تسـريـنـي هـجـوسـي لاسـهـيـت وصـــدو الـجــلاس=خـذتـنــي بــيــن فــرقــاك وخـذتـنــي بــيــن غـربـالــي
,,
سريت اليـل يطوينـي الضمـا لـك طيـة القرطـاس=لبسـت الشـوق درع وسـرت فــي دربــك ولا ابـالـي
وشفتـك يالطريـق الـي وقـف بيـن الامــل والـيـاس=قــريــبٍ مــــن عـيـونــي بــــس وصــلــك ماتـهـيـالـي
على ذا الحال مـن يـوم الفـراق الـي قطـع الانفـاس=وخـلانـي مـجــرد صـــوره وعـايــش عـلــى الـخـالـي
,,
غـيـابـك مـثــل رمـــحٍ مارحـمـنـي والـقــدر جـســاس=وروعــي مـثـل روع الـزيـر يـــوم انـــه فـقــد غـالــي
غيابك كثر مـا صحـى اشتياقـي يذبـح الاحسـاس=مـثـل ذبــح الامـانـي فـــي عـيـونـي لاعـتــذر فـالــي
كتـبـتـك وأنـتـهـت سـهــرة غـرامــك وامـتــلى الـكــراس=كـتـبـتـك يــاخــوي الـقـلــب فــــي حــلـــي وتـرحــالــي
,,
يبعـثـرنـي حنـيـنـي كـــل مـاهــب الـهــوى نـسـنـاس=واطيـح مـن التعـب بيـنـي وبيـنـك وابـكـي اطـلالـي
تبيـن الشمـس وعيونـي سهيـره ماهتـنـت بنـعـاس=علـى نـار السهـر صـدري حطـب وهمومـي دلالــي
خفوقي غصن شوقٍ مال لك والهجر مثل الفاس=ياحطـاب الضلـوع الغصـن مـن كثـر الـولـه مـالـي
,,
اقــول انــي نسيـتـك والحقيـقـه مالصـدقـي ســـاس=ياكـيـف انـسـاك وانــت اول غـرامـي واخــر امـالــي
اجامـل ولا انـا شـوقـي الشـوفـك فــاق كــل قـيـاس=لاتحسب ضحكتـي مـن خاطـري وانـي بهـا سالـي
تـراك اكثـر بشـر تفهـم شعـور الشاعـر الحسـاس=وتدري ان ضحكتي كذبـه وتـدري ويـش فـي بالـي
,,
هـمـومـي وابـــلٍ مـاخــف مـطــاره وصــــدري كــــاس=واخــاف الـهـم لايـطـوي الضـلـوع ويفـضـح اقـوالـي
اخاف يبين ضعفي لين اشوفه في عيون الناس=واخـــاف اطـيــح ولـمــح طيـحـتـي بـعـيـون عـذالــي
حبـيـبـك مـاتـغـيـر عــــاده الـقـاســي قــــوي الــــراس=يــوقــف لــــو طـعــونــه مـوجــعــه والــغـــدر قـتــالــي
,,
صحيـح انـه مــن الفـرقـا غــدى بــه خـفـه ووســواس=وغــدى صــدره مــن هـمـوم الـزمـان الموجـعـه بـالـي
ولـكــن عــــاده الــــي تــذكــره مــــآ عــزتــه تــنــداس=يــمــوت وهــــو عــلــى وقـفـتــه مــاهــزوه الانــذالــي
على درب الوصل سقت الخطاوي كنـي العسـاس=واخـــاف اطـيــح فـــي نـــص الـطـريــق ولاتـهـيـالـي
الشاعر ... سهيل اليماني
أختكم صمت
,
,
__________________
,
لو مآوسَع صدر السمآ ( ضيقة الطير ) ..
. . . . . لآ تشرَه إن ضآقت علي الوسيعَـه !
,,
21-04-2010, 04:04 AM
العرض الشجري