راشد بن حسن ابن الذيب العجمي

[فتى ال صالح]

السلام عليكم
من حكم الشاعر/ راشد بن حسن ابن الذيب العجمي
غفر الله له واسكنه فسيح جناته واموات المسلمين اجمعين


تمتع بهزلات الليالي لعلها
توصلك هزلات الليالي اسمانها
تمتع بها لعل حاجتك تنقضي
ترى النفس وان عزيتها طاب شانها
دوى القلب في لذات الايام ساهي
يحسب الليالي دايمً له زمانها
ارى مايرى النايم من الوقت لوعه
وعند انتباه النفس ذا الوقت خانها
وانا الذي سجيت باول طفولتي
وارى الوقت هومات الاجاويد هانها
يقولون ماش الوقت ممشاه ربما
ترد الامور الماضيه لامكانها
انا اقول لو امشي على الرجل انما
هذا الوقت لاشك العرب وين امانها
ارى الوقت وقتي غير الاصحاب وينهم
هذا ماجرى والناس كثر امتحانها
الايام هي ليام تبذل وجودها
والاصحاب فيها ماترى الا بنانها
لحا الله وقتً مايساعد هل الوفاء
تعيش الثعالب فيه واطول اذانها
وانا اشوف ذا الدنيا علينا تغيرت
راعي المنزل العالي نزل في طمانها
يحل الردي فيها على كيف مايشاء
والاجواد فيها جات وحده ثمانها
هذا الوقت شفت الضان تركب افحولها
والاجواد قام يشيخ فيها جبانها
فلا خير في الدنيا ولا خير فالردا
ولا خير في قومً رديً ابطانها
على الخلق لو بينت ماكنه الحشا
تزال الجبال الراسيه من مكانها
تزال الجبال ولرض تهتز كنها
تزلزل صليب احجارها مع ليانها
امن الهم نفسي كل شيً يكودها
ماتلتفت لأقرب قريبً اوزانها
الاهي ملاذي كل شيً بقدرته
ايسيرون بالدنيا وبيده اعنانها