ابنذر اللي من ربوعي يبـا الطيـب =لاياخـذ الا مـن بيـوت الشجاعـه

[ناصر العسكر]

السلام عليكم ورحمة الله وبركاته

هذه قصيده قالها الشاعر شالح بن هدلان ندم ن بعد قصيدته اللتي ادت لغزوة ذيب المشؤمه وكانت من اسباب مقتل ذيب .. وقال شالح هذه القصيده النادره واللتي لم تشتهر كقبيلاتها من القصائد المشهوره وهي كالتالي

.
.
.
ذيبٍ عوى وانا على صوته اجيـب =ومن ونتي جضّت ضواري اسباعـه

عزالله انيّ جاهـلٍ مااعلـم الغيـب =والغيب يعلم بـه حفيـظ الوداعـه

يالله يـارزّاق عكـف المخالـيـب =يامحصـيٍ خلقـه ببحـره وقاعـه

تفرج لمن صابه جـروحٍ معاطيـب =وقلبه من اللوعـات غـادٍ اولاعـه

ان ضاق صدري لذت فوق المصاليب =ماني بمن يشمـت فعايـل ذراعـه

صار السبب مني على منقع الطيـب =ونجمي طمن بالقاع عقب ارتفاعـه

ياطول ماعجيتهـن مـع لواهيـب =ولاني بداري كسرها مـن ضلاعـه

وياطول مانوختّها تصـرخ النيـب =وزن البيـوت اللـي كبـارٍ رباعـه

واضوي عليهم كنهم لـي معازيـب =اليا رمـى زيـن الوسايـد اقناعـه

واضوي عليهم واتخطى الأطانيـب =وأخـذ مهاويـة الجمـل باندفاعـه

ابنذر اللي من ربوعي يبـا الطيـب =لاياخـذ الا مـن بيـوت الشجاعـه

يجي ولدهـا مـذربٍ كنّـه الذيـب =عـزٍ لبـوه وكـل ماقـال طاعـه

وبنت الردي ياتي ولدها كما الهيـب =غبـنٍ لبـوه وفاشـلٍ يالجمـاعـه

يكبر زوله عنـد بيـت المعازيـب =متحـريٍ متـى يـقـدّم متـاعـه
.
.
.

فى الختام اتمنى ان تنال القصيده على اعجابكم