سيد الاشواق لشاعر : زايد بن كروز

[مزاج بدوي]

ياسيد الاشواق يسعد لي مساك

يسعد مسا طلة جبينك والحنين





يسعد مقامك دمت دام الله بقاك


يسعد لي احساس الدفا في الراحتين




اي والله انه ماذبحني الا هواك


عليك ترديد المشاعر .. وين ..وين




انا دخيل ابوك وامك ماكفاك


ودخيل ريحان الغلا والياسمين




الا التجافي قول غيره وش بلاك ؟


ماعاد لي ضلعٍ على بعدك متين




ماعذربك في داخلي قسوة جفاك



قبل التجافي كنت مين وصرت مين




والله ماالومك لو تمادى في خطاك


صغير سن ويختلف معك الروتين




الجو هذا مايعجبك شوف ذاك


والعكس يمكني .. اعجبك مرتين




ماني معاك .. الا معاك .. الا معاك



وسمعت كل اللي تقول بكلمتين




اني احبك والغلا والقلب جاك



ماهيب هذي !!!!,, هاه .. بشوف لك عذرٍ سمين






كثر مااعرفك منك احس بارتباك


كني ماشفتك قبلها الا نوبتين




الله الله الله الله ماحلاك



متغطين.. لكن يزيد الزين زين





الزين اخذته من هناك اليا هناك



حقوق طبعه في يديك الاثنتين






والله لو ان الزين دينٍ من وراك



انا اعتقد ماضاع لك حقٍ ودين