|
ســــود الـليـالي بـالـقـسـا والـلـيـانـي
ياناشد ٍ عن حرفتي بالمعــاني = ترى المعاني من دواليب الايام
سود الليالي بالقسا واللياني = جابتلي الواقع مثل نسج الاحلام
بسبابها عبّرت شعري وباني = قاف وبحر تبنا على اوراق واقـــــلام
لين احتويت بخافيات المعاني = واخفيتها عــن كـل نذل ٍ ونــمــام
هلّيتها مما عليها حــدانــــي = ناب الزمان اللي محطمني احطام
(الله واكبر ياهــوايل زماني = منها وفيها كم بالاجواد منــظام)
شفت وسمعت وعشت واقع واماني = احد ٍ نفر واحد ٍ بعد نـفــرته رام
كم مرّة ٍ يومي يعدّي ثــوانـــي = وكم مرّة ٍ يشدي مروره علي عـــام
ياما من اللّوعات همّي طواني = وياما سهرت الليــل والخلق نيــّام
وياما بكيت وعابس الليل داني = وياما سرح فكري بهبّات الا نسام
لاشك ياعزام فات الاواني = ماترجع الايام 0 تمشي لــقــدام
بس احمد الله مارضيت الهواني = ولاخير في رجل ٍ عن الذلّ ماشام
وآخر كلامي حرفتي للمعاني = تشرح ســبــبــها بالقــصــيده لــعزّام
وسلامتكم
الشـــــاعر / ســــــــعود رتيبان الجويّر
التعديل الأخير تم بواسطة الجويّر ; 30-10-2005 الساعة 02:59 AM
|
العرض الشجري