اول مشاركه

[فارس القوافي]

السلام عليكم ورحمة الله وبركاته



هذي قصيده من احدى قصائدي
اتمنى ان تنال على اعجابكم

انت غير
-
من بحر شعري الي سبع البحور=يا قصيدي رح وخلك لي سفير
-
صوب رجال ٍ بعرفي له فخور=والرجال اكثار ...... لكن هو غير
-
ان تكلم ماحكا كذب ٍ وزور=وان فعل .... عزالله ان فعله خطير
-
يا صقر مقصود من بين الصقور=محمد الصعنوني هو سقم المغير
-
من سلايل قوم لا ثارت تثور=تشطر العدوان بالسيف الشطير
-
يا محمد وش بلا بعض الصدور=ضايقه من دون شر ودون خير
-
يا محمد وش بلا بعض الطيور=تكفخ الجنحان وازرت لا تطير
-
والله اني وان تكلمت امعذور=شفت لي اشياء يامحمد تثير
-
ما تكلمت ابجهل ولا غرور=هو كلام وكان طالع من ضمير
-
كنت احاول بس تعديل الامور=لين جات ابوضع تحديد المصير
-
ارجعت من ثاير وغاير وثور=وانا والله ما حسبت اللي يصير
-
حتى لو عيبي عجل ماني صبور=واكثر والاحيان يمكن مستشير
-
كل شخص ٍ به اعيوب ولا قصور=مابه احد ٍ كامل وعيبي ( صغير )
-
لاني بالمعصوم ... ولا مني نفور=لي قليل اخطا .. واصحاحي كثير
-
ان جلست اجلس وتلقابي حضور= وان مشيت اعرف طريقي والمسير
-
بترك الديره واهلها دون شور=الديار اكثار والدنيا بخير
-
ولو بجيها يوم بجيها مرور=ان وصلت اعصير بتركها عصير
-
رافع ٍ راسي وللعزه غيور=لو اوطي راسي ينزل للكبير
-
العلي..العالي..الحق..الغفور=الوكيل..الشافي..المعطي ..النصير
-
الودود..الشاكر..البر..الشكور=المحيط..الواسع..الحي. .البصير
-
اللي بامره دورة الدنيا تدور=القوي..القادر..الله..القدير
-
ويامحمد انتهت كل السطور=والرجال اكثار لكن (انت غير)
-


وسلامتكم
-
فارس عفاس