عقليتك وشلون ترقى لمستـوى عقليتـي ..!! للتـواصـل

[موادعك خيره..!]

بسم الله الرحمن الرحيم



السلام عليكم ورحمة الله وبركاته






مسـا الخير ..








جازت لـي وإن شاء الله تجـوز لـكم ..







صـلو على النبـي ..







الواجب إنك لا تعديـت الحـدود ..وطفتهـا ..!
أقل حاجه تحترم نفسـك وتحشـم جيتـي ..
جوانبي الاخرى ترى للحين ما قـد شفتهـا ..!
فـ الافضل إنك تتقي شري.. وتامـن سيتـي ..



.................................................. ..كنت أحسب إنك فاهم لشخصيتي وانصفتها ..!
.................................................. ..أثرك إلين اليوم ما أنته فاهـم لشخصيتـي ..
.................................................. ..أجل ..الاعيبك اذا ويـاي .. مـا خففتهـا ..!
.................................................. ..عقليتك وشلون ترقى لمستـوى عقليتـي ..



يا هي كثير أشياء صارت منك ما استلطفتها ..!
أقلها كذبك... وأنـا فـي عـز مصداقيتـي ..
وأخطاء لا يمكن تطوف ..برغبتي طوفتهـا ..!
حتى أبين لك مدى صدقـي وطيبـة نيتـي ..



.................................................. ..يا خي أنا كل المشاعر لجلـك إستنزفتهـا ..!
.................................................. ..وأنت فبرودك للاسـف قتلـت رومانسيتـي ..
.................................................. ..حتى احاسيسك عشاني مـا بعـد كلفتهـا ..!
.................................................. ..ما كنك أنت اللي ورا تحطيمـك لنفسيتـي ..



أطالب بكامل حقوقي منك وانـت أجحفتهـا ..!
تقول كني مـن( البدون)أطالـب بجنسيتـي ..
خليتني مصدوم فيـك.. وهقوتـي أخلفتهـا ..!
وأصبحت فاقد شئ من طبعـي وتلقائيتـي ..



.................................................. ..يعني ترى عفويتي من تحت راسك عفتهـا ..!
.................................................. ..مع إني واحد دوم أحب أتعامـل بعفويتـي ..
.................................................. ..لكني أتلفت العلاقـه ..مثـل مـا أتلفتهـا ..!
.................................................. ..ما دام إنسانيتـك.. مـا هـي لانسانيتـي ..



أبشر وأنا اللي دمعتي لليوم مـا كفكفتهـا ..!
إني لاعلمك البكـا وأثبـت لـك إستاذيتـي ..
وأجعلك قصه من صميـم التجربـه الفتهـا ..!
دفعت فيهـا كبريـاء إحساسـي وحنيتـي ..



.................................................. ..صدقني حاولت آتغاضى والعواقـب خفتهـا ..!
.................................................. ..لكني أخشى لو تطيح بناس مـن نوعيتـي ..
.................................................. ..إحساسها مرهف ولو حاولـت وإستهدفتهـا ..!
.................................................. ..ماني بساكت وإنتبه من سخطي وسلبيتـي ..



أفعالك اصلاً لامست شخصي وأنا صرفتهـا ..!
وشلون أصرفها اذا هي لامسـت قوميتـي ..
تستاهل انك تنجحد من ناس مـا شرفتهـا ..!
وأول ترددت اجحدك.. والحيـن بامكانيتـي ..



.................................................. ..ما دامك إتعديت وياي الحـدود ..وطفتهـا ..!
.................................................. ..غسلت يدي منـك.. وأخليـت مسؤوليتـي ..!








.
.
.