تراي حاسب حساب الدمع من بدري !!

[جطلي بن فهد]

بالرغم من كثر غلطاته و زلاته =ياطول بالي عليه و ياوسع صدري

وإن هب شعري على كل اتجاهاته =ما كن فوقي سماء ولا الثرى حدري

اتخيله ساكت ويحكي معاناته =وان قلت وشلون صارت قلتلك مدري

عيونه تسولف وتـشرح لي سكاته =وياحي رقت سوالف رمشه الخدري

بس لعلمه كان ماراجع حساباته =تراي حاسب حساب الدمع من بدري

خيانة احبابي ووقتي وطعناته =لو نزلت دمعتي ما نقـصت قدري

ولا صار ناوي على فرقاي وحياته =ماعاد تـلمح عيوني وجهه البدري

انا عرفت " الوله " من قل جـياته=وجايز يعرف الوفاء لاحس في غدري

للتواصل
بعد الغياب ..

لمحمد جارالله السهلي