شاعر حظه ردي....لا حظه معكووس..اوووه..دشوو وشوفو بنفسكم

[تركي]

الا ياالله عفوك مامعي بيجر ولا جوال*** ولا عندي وضيفه والتجاره فاشلن فيها

ولا عندي شهادات(ن) ولا حرفه تسد الحال***ولا حظ(ن)كبير ولا اخطه الجره يقديها

مخابي الثوم تومي مادخلها من زمان ريال***بها فاتورة الكهرب ولا يمديني اقضيها

على ذيك العراوي تتعب الحادي مع الجمال***ثلاث شهور بالورشه وشهرين مقطيها

ابيها لو تجمل يوم واجلبها على الدلال***يجيها واحدن حضه مثل حضي ويشريها

نصيت العسكريه يوم قالو للنظام رجال***وقدمت الملف وصورت(ن)متشخصن فيها

خذا الاوراق واحد ماعند ابوه دلال***سلوم الناس واهل المعرفه والطيب مخطيها

قراها في دقيقه والتفت عجل على وقال***شهادتك العظيمه ياولد وين انت مخفيها

هزيت الراس ماعندي تقول اني من البنقال***وقمت احب خشمه واطلبه بالله تمشيها

حذفها من يده شين الطبيعه والنبا والفال***وقال ازين تعود يم نوقاتك تعشيها

تناوشته من الكرسي وعفت الحال والترحال***وضربته بالبياله عقب مابيحت شاهيها

خذوني للسجن مانيب لا ظالم ولا محتال***مجرد واحد جا يكحل عيونه فيعميها

ويوم اني خرجت اقفيت لارض الله وسيع الجال***على بر(ن) هواه يداوي العله ويبريها

ادور قصعة الجربوع والظب الفتى يختال***والارنب ياشفاة الروح ماحلاها وطاريها

بلا كهرب ولا بيجر ولا غاز(ن) ولا نقال***قوانين الحضاره لا تبي شوفي ولا ابيها




وسلامتكم...