أضيق من وقتي ووقتي مايضيق//كم هد قبلي دولةٍ متكبـّـره

[عبدالناصر آل عبدان]

أعتذر عن الغياب
ومتواضعه لتواصل

أضيق من وقتي ووقتي مايضيق=كم هد قبلي دولة ٍ متكبّره

ولا خير في عزوه وفي خوة رفيق=ان مالقيته محزمي ماعبّره

وش خانة الدنيا وانا بنص الطريق= ان ماكسرت العظم ثم أجبّره

الحظ في بطون العرب ياتي صديق=وانا صنعته في يدي وادبّره

ذبيت رجمه لو على قمة طويق=رجلي تدوسه وبيدي أشبّره

لكن ماهي حظ ومخاصم عويق=المسأله فيها رموز مـعبّـره

الغفله وليل الشتاء اللي مايفيق=لو طال يسبرني وانا ما سبّره

أنفض غباره وان وصل حد الزعيق=تاريخ مخزي والوجيه مغبّره

نشبت لحانا بين غربان ونعيق=هذاك ينتفها وذاك يخبّره

أحتد لصمصام بتار الشنيق=لكني احلم واهتدي واصبّره

أسياد حنّـا لدول ماحن رقيق=صحايف التاريخ فينا مـحبّره

واقول ماللوقت في الدنيا صديق=الملك زايل والملوك مدبّره

وسلامتكم