أنت يا دكتور نفسي لو تعرف اللي مررها ؟=كان ماشخصتني والجرح!! (في ثومة فؤادي)

[فهد بن مطلق]

السلام عليكم ورحمة الله وبركاته


(كيبورديه x مسائيه)

صلوا على النبي


.
.
.
.
.
.
.

آآه واقلبي على المجمول يوم أتبع أثرها=خابت الهقوه !! على رجلي و تو الليل بادي
وإن قطعت الجِره اللي ؟ أطلق الظلما أسِرها=جيت داره وأتنشد عنه ؟ قالوا وين غادي
أنطل العمه و سوق الجاه و أطّرف صورها=لو كّبار القوم تطلب ذبحتي بـ / أقول عادي
جيت له ساعي على الاقدام لو جهدي مهرها=غير (ربي) ؟ مايذود الراس يا كود الايادي
ما أخبرها ما تبيني والله إني ما أخبرها=كيف تنكرني وخانت عيشي ، وملحي ، وزادي
آآه ياجرحي ونفسي آآه يامقصر عمرها=كيف حدتني على الدكتور والطب الريادي
جيت لـ /دكتور والعله تزايد من قهرها=خابر إن جرحه فـ /صدري ما يطببه الضمادي
أنت يا دكتور ! نفسي لو تعرف اللي مررها ؟=كان ماشخصتني والجرح !! (في ثومة فؤادي)
لاتقيس الضغط (والله) عن دواك أجل وأرها=والبلا من طيشي ، وجهلي ، و من زود العنادي
شفت شي وخايف إن العين لا تفقد نظرها=والموادع تم .. والبارود ثورهّ الزنادي
صابني ماصابني والنفس ماتعرف قدرها=لو نشوف الغيب .. ما سقت القدم والليل بادي

وسلااامتكم ..