إلى شعراء صدى المشاعر .................................؟؟؟!!!

[الصقار الاخير]

بسم الله الرحمن الرحيم

اخواني شعراء ومتابعين صدى المشاعر مسيكم بالخير جميعا

اتمنى ان تقبلوني في منتداكم الاكثر من رائع بشعرائه المبدعين واكون من المشاركين بأشعاره عسى ان تنال اعجابكم وتلقى استحسانكم

اترككم مع المصافحه الاولى جعلها تجوز لكم
..
.
.
.
.
.
.

ياعنك الليالي اشهد انها وسيعت بال=تبذ الخفى ولاحدن بذ خافيها

طوانا الصبر والحمل فوق الركايب مال=تلاشت عزوم جمالها من بلاويها

تدور الليالي والعمر ناقصن لوطال=وعمر الفرح ساعه والأحزان توفيها

تهب الهبايب بالمصايب مع الاهوال=تقلب بنا جنوبها مع شماليها

على ظهرها نبحر وتمشيبنا من الجال=وترجع بنا موجاتها لاشواطيها

يعيش الردي فيها والانجاس والانذال=وسادو على شجعانها في نواحيها

حبيبتي انتي كمى الوقت ماله حال=وانا اعيش حاله واحده ما اخليها

مايجرح السائل سوى واقع السؤال=ولا يصدمك الا الصراحه وخافيها

يليت المفارق صار قبل السؤال يسال=ولاجادت جروح الصراحه بمافيها

عشقتك سنين وفي ثواني غرامك زال=مادام انها جت للكرامه وطاريها

توكل بدون اعذار واحسن بدون اجدال=تراك الخيانه من بداها وراعيها

اودعك ليت اللقا بيننا ماطال=ولالج حبك فالضلوع ومحانيها

يتيه المسافر بس مايكره الترحال=مصيره يلاقي ديرته مع ضواحيها

وتتوه المشاعر لين ترجع على المنزال=وتنسى شقى الرحله وطولة خطاويها

محال الجروح اطيب من جارحك محال=مايمسح ادموع البشر من يبكيها

وسلامتكم