هذه القصيدة للشاعر خالد الردادي قرأتها في احد المنتديات
وقد اعجبتني فاحببت ان انقلها في منتدانا عسا تحوز على اعجابكم
يـوم كنـت( صغيّـر) يقولـون جنّـي =ماخبر واحد على امّـي مـا اشتكانـي
كنـت مـوذي والـوذا مخلـوق منـي = كنت انا اشقى طفـل مولـود بزمانـي
اتشخّص ب ( الطاقيّـه ) يعنّـي انـي = صرت اغازل واعرف اسلوب الغوانـي
كـل بنـات الحـارة كانـن يعشقـنّـي = ابتسام .. وهند .. واحـلام .. وتهانـي
من قبل لا اقول .. طيـري.! يلحقنّـي = ويحبشنّي مـن قبـل لا اصـل مكانـي
كنت ب (الحاره) من الطيش احسبنّـي = سندبـاد اللـي عـرف سّـر الموانـي
كنت أوسوس بالشعر من صغـر سنـي = والمس جروحي علـى شانـه واعانـي
لين في مّره .. وانـا ماشـي واغنـي = رايـح لدكّـان .. ( عدنـان اليمانـي )
مّّرنـي خنجـر غـلا عشـق وطعنـي =جايني من وين ؟ مدري بس .. جانـي
وش تبون بقصتي .. ؟؟ يخرب مطنـي =ما ضحـك غيـري علـيّ ولا بكانـي
اسمعـوا بـوح الحنيـن اللـي سكنـي =واعذرونـي لا خـذل حرفـي لسانـي
لا تعّـدون السهـام الـلـي رمـنـي = وتسألوني وش كثـر عـوج المحانـي
احسبونـي طفـل محتـاج ال تبـنـي =عن حسدهـم حافـظ السبـع المثانـي
وازرعونـي بالعيـون اللـي جفـنـي =واقطفوني من علـى خضـر المعانـي
اطعنوا صـدر اليقيـن بسيـف ضنـي =واشربونـي دمّ لـو جرحـه نسـانـي
و اسمحوا لي بين ( قوسيـن ) التجنـي = آخـذ المجنـي عليـه بذنـب جـانـي
أه منه .. واه منكـم .. وآ آ آ آ ه منـي =من نبش فيكم ورى الصمت وحكانـي.؟
ايـه امـوت بدونـه .. وأحيـا كأنـي =عايش بدوني . ! غيـاب انسـان ثانـي
والله انّـه بالوهـم يــوم يحضـنّـي =طيفه يصدّق . !! واا اذوووب بحنانـي
أكذب الصّدفـه واصدقهـا !.. واهنـي =واجرح الساعه . لاجل خاطـر ثوانـي
اسألـوا بنهـايـة المـشـوار فـنـي =من وشم جرحي على صدور الاغاني.؟؟
وعلموني ويـش يقـول الشعـر عنـي =هو أخذ مـن حسرتـي.؟ والا عطانـي
بلّغـوه انـي تعبـت مــن التمـنـي =ولا لقيت اريـح مـن احـلام الأمانـي
وصدقوني مو غـرور ان قلـت انـي =ماخلـق ربـي قصـيـد الا عشـانـي
وسامحونـي بـس هالـمّـره لانــي =طحت من عقلـي علـى قمـة جنانـي
الـشـاعـر / خـالــد الـــردادي
منقووووووووووله
تحياتي
ابو عيد
العرض الشجري