لجنة المتفائلون صح النوم

[ليبرالي]

بدون مقدمات..اذا كنت تمشي على الخط السريع ومريت على اعلان المتفائلون..فلن ترى شيء مجرد الوان باهتة وصور المرشحين ما تشوفها الا من قريب..ونعرفها فقط لاننا ابناء القبيلة اما الاجناب ما يدرون عنهم..والسبب ضعف الاعلان.


اللجنة المشرفة على الانتخابات مابقى الا كم يوم على يوم الاقتراع وانتم نايمين..لا مقرات مثل الناس ولا اعلانات ولا اتصالات ولا تنسيق مع الدواوين..ودي اعرف وش قاعدين تسوون؟؟..


اكيد المرشحين دافعين حق اللجنة مبلغ وقدره..لكن الاخوان في اللجنة يمكن عنهم سياسة الترشيد..لان المقرات لا تكفي حتى لعشى عادي وليس عشى مرشحين..والخدمات اتحدى اذا احد تقهوى ولا شرب حتى ماي غير الصف الامامي..وحنا اللي جبنا ربعنا الاجناب تفشلنا فيهم حتى القهوة ما حصلناها..لعدم وجود اي خدمات..واعتقد ان هالامور سهل توفيرها لكن الظاهر ان ربعنا مهمب فاضين..


كل مرشحين الدائرة ازعجونا بالاتصالات الا العجمان ماسمعنا احد اتصل من اللجنة,,وهذا كلام ربعنا من قبائل الاقليات..ياناس انتبهوا ترى المنافسين اقوياء ويقولون بنطرح اثنين من العجمان..


مانبي نغفل عن اسهل الامور..والسبب توكيل الامور لغير اهلها والسبب المجاملة..لدرجة ان احد المرشحين اعلاناته بالجرايد والتلفزيون بروحه..والله ما ينلام لانه عرف ان اللجنة دايخة..وبعدين ليش مرشحينا مالهم اعلانات بالتلفزيون؟..


اللجان النسائية وينهم..هم اهم من الرجالية..وليش كل عضو لجنته النسائية بروحة..هذي غلطة كبيرة..ويمكن تخسرنا الشي الكثير..ما اقول الا الله يستر من هاللجنة اللي لا نشكك في نيتهم لكن الاكيد انني اشكك في كفائتهم..

وما زلنا متفائلون.