يالساعد المكسـور وش فايـدة الايـد=دام الحمـل لاثقـل قـل المسـاعـد
لذا سواعـد ربعـك ان مابهـا فيـد=سو لظروفٍ مـن ظروفـك سواعـد
تعـرف بنفسـك تلاقـي بهـا سيٌـد=ماعبـده سيـد ولا طـاح صـاعـد
شذ بقواعد فكـرك لمـا ورى البيـد=عشان تصنع مـن شـذوذك قواعـد
شفنـي اصبـك فالمسـارح اناشيـد=ليـن امتلـت كاسـات كـل المقاعـد
مع ان وجه الشعـر مملـي تجاعيـد=لكـن وقـاره كـل ماهـو تجـاعـد
ياسيده من خلف بـاب السنـه عيـد=والعيد دمعـه فـي عيـون الشماعـد
وانا اخاف ابكيك ثـم تمسـح الايـد=مكانـك اللـي بيـن الاهـداب قاعـد
كـن الحنايـا للـجـروح العرابـيـد=حانـة ونادلـهـا عـويـدٍ تقـاعـد
شفت ! الفقر وشلون قاسي على عويد=هذا الوصل لا مات بـارض التباعـد
لـذا عشـان الحـب يافـارع الجيـد=لا شفت كفـي مـن فراقـك تراعـد
لاتنتظرنـي فـي طريـق المواعيـد=مـادام مابـه شـوق ليـه انتواعـد
محمد بن ساقان
العرض الشجري