الشاعر ناصر الزقيع الحبيشي

[أبو رجا آل هادي]

انا ليا منه طرى اللي طرالـــي=دكت هواجيس وهاضن الامثـــال
البارحه واليوم ياما جرالــــي=واليوم يومي راح كله تملمــــال
يابو محمد يازبون التوالـــــي=يا شوق مجمول مشيه تخلخــــال
يا عيد هل هجن طواها الجفالــي=إلى اقبلت قدها مناكيف وهـــزال
يا فهيد كنك عن احوالي اتسالــي=وانك معي ما تسمع لشور عذـــال
يا فهيد بن قراش يكفيك حالـــي=غديت كني من بعارين جمــــال
لا لا السبيل ومزتي له اتشالـــي=لا من شربت العظم وصبيت فنحـال
خطرا يقولون العرب وش جرالـي=اسباب ملهوف الحشاء سمح الاقبـال
شف ما تشوف بحالتي والعجالــي=ولا تراني في خطر موت واذهــال
اسباب من هو من حلايا الغزالــي=عليه من وصف المهالون واشكــال
لا اقبل يسير وسيرته بالعدالـــي=ومنسف شقر الذوايب ولا ســـال
قد هو يعاندني ويبغي زوالــــي=عليه رسم الموت قصاف الآجـــال
فزيت له فزت حيبب لغالــــي=قمت اتخشع له عسى القلب يحتــال
ليته ولد عمي ولا به اشكالـــي=واصير انا القالط على كــل رجال
ولا يحــد بحـــد واسوق مالي=بســوق ذودي كلــها دق وجلال
والى غدا ما بيننا بالقتالـــــي=ابزهم ال حبيش ذربين الافعـــال
اللي سوالفهم جنوب وشمالــــي=لا حل بقطي السبايا تجيـــــوال
وانا من العجمان ياسر بالــــي=اللي فعاليهم عريضات وطــــوال
لصاحب احلى من حليب المتالــي=احلى من السكر على در الاجهــال
واللذ واحلى من حلى كل حالــي=وسم على كبد المعادي وســــلال
يردون حوض الموت ورد النهائـي=كم طوعوا برماحهم كل عيــــال
قلته وانا اللي صادق في مقالــي=ولا خير في اللي ما يصدق إليا قـال
ويشهد لنا التاريخ اول وتالــــي=يشهد لنا التاريخ والكتب مـــازال
تمت بذكر الله عزيز الجلالـــي=اعداد ما هلت من المزن همـــال