السلام عليكم ورحمة الله وبركاته
للتواصـل وسامحوني على التأخير
هيضتني يالشـَاعر القحطاني=بلحونك إلي دايم ٍ ناريـَه
سلام واباجر .. انا الألحآني=من الكويت ودارنا محميـَه
يا مهرتي حضرت لش قيفاني=دقي لي الميدان يالنشميـَه
نويت اسجل ماضي الجداني=وافعالهم عند العرب ماريـَه
يوم الجزيره تشتعل نيراني=لي لابت ٍ فزَاعت ٍ حربيـَه
لي لابت ٍ تاطا على العدواني=منهو بغا كيـَه نوَلم .. كيـَه
يوم ( العيَـنه ) ربعي الشجعاني=اهل القنازع معلنين الهيـَه
اهل القنازع ربعي ( العجماني )=قالو نبي ثاره وخلو الديـَه
وصار اتفاق الربع فالميداني=عريان بلاَ بندق وجنبيـَه
لين ادخلو ذبـَاحة الخوَاني=في كون والله ما يجيهم زيـَه
الروس نقطعها من الامتاني=وخذنا قظـا ( ضيدان ) من راعيـَه
من فعلهم هابتهم العرباني=ياقرد منهو معادي ٍ ( ياميـَه )
وفي فعلهم نفخر مدا الازماني=وافعالهم تبقا ماهي منسيـَه
اطلب من الله يسكن الفرساني=بجنانه إلي بالذهب مكسيـَه
وان كان في قاف الشعر نقصاني=ارجو السموحه .. وانتو سنافيـَه
الشلَه بصوتي
التعديل الأخير تم بواسطة محمد بن سعود ; 26-11-2008 الساعة 02:22 AM
18-11-2008, 09:12 AM
العرض الشجري