((( بــلاد الغـُــــرب )))

[ابن شتــــران]

مساء الخير جميعا
نص للتواصل بعنوان :

((( بلاد الغـُـرب )))


:

:

والله انــــي فــاقــدٍ شــــيٍ هــنــا =في ضلوعي ولاّ في نبـض قلمـي

فـي بـلاد (الغُـرب) مـال ِ الاّ العنـا =واشتياق ٍ مالقـى لـه اي سِمِـي !

امشـي الـدرب الطويـل فمنحـنـى =وانطـح الوقـت العنيـد المحتـمـي

اطـرق بحزنـي مـواويـل وغُـنـى =واخفـي جـروحٍ عـلـيّ ترتـمـي !

ماعرفت انهـي طموحـات ومنـى =ولا هقيت ان البلا / تحت قْدمي !

دربي اللي مااحتظن حلم الضنـى =مـا اعيـبـه والـزمـن لــه ينتـمـي

آه يــاوقـــتٍ مـصــيــره لـلـفـنــا =لـيـه ما تاتـي بـوجـهٍ مسلـمـي ؟

وآه يـاحــظ ٍ عـشـانـي ماانـثـنـى =واحتـرم قلـبٍ نظـيـف ومغـرمـي

وآه يامـن كنـت احسْـب انـه دنــا =في ضلوعي لين مـا جـا ملهمـي

لا كتبـت ازهـى قصيـدٍ ماانحـنـى =كــلّ مافيـنـي ذكــر لــه

اول حــــدود الــغــرام ومـابـنــى =في وضوح الشمس ما لا يُهدمي

واول احساس القصيد اللي جنـى =من عطايا عزّتـي / قلـب ْ ودمـي

يكفـي انــي ماعطـيـت الاّ السـنـا =يوم غيري مـن شعاعـي منعمـي

ويكـفـي انــي مابنـيـت الا الهـنـا =يــوم وقـتـي مْـجـرّع ٍ بالعلقـمـي

والله انــي مـومـن وكـلـي غِـنــى =لكـن الحـظ الـردي هـدّ عظـمـي !

وفـي بـلاد الغـرب لي بسّ العـنـا =واشتياق ٍ مالقى لـه اي سمـي!!!