السلام عليكم
صباح الخير للجميـــــع
هذه قصيده إرتجاليه كيبورديه ...
وهي إهداء لكل من ذكر فيها ولأحمد العجمي على وجه الخصوص ,,, 
سلام مني للرجال المناعير =واثني سلامي عالخوي بالنيابه
مني لأبن جوفان احلى التعابير =الشاعر اللي كل قاف ٍ يهابه
احمد ابن خالد زبون المخاسير = ذيب ٍ شهر صيته بأول شبابه
رجلن عِرِف بالطيب من يومه صغير = حر ٍ ولد حر ٍ ولابه غرابه
من روس قوم ٍ فاللقى كالمناشير = على العدى .. والا الخوي كالقرابه
عجمان عند الموت جيش وطوابير = تاريخهم يذكر وكل ٍ درابه
يامية ٍ نعمن بهم دون تقصير = و كل القبايل فعلها ينحكابه
قلته وانا من لابتن فعلها غير =بني رشيد أهل الصخى والمهابه
عبسية ٍ دوم الوفا والعياطير =هو سلمهم وقت الرخا والحرابه
وآرتب المعنى واصدره تصدير = للي قرى عذب القصيد برحابه
وكل ٍ على ماقيل يارد على بير = وانا وردت ببير حلون شرابه
ازكى صلاتي مع سلامي على خير = خير البشر ربي عطاه المهابه
وسلامتكم
اخوكم ومحبكم في الله
م . ابن شويلع
22-10-2008, 10:56 AM
سلام مني للرجال المناعير ( إلى الشاعر احمد بن جوفان )
العرض الشجري