لا صـــرت بـــايــعــنــي تــوكـــل عــلــى الــلــه ...( عــتــاب )...

[خالد بن رمثان]

السلام عليكم و رحمة الله وبركاته ..


من قصائد العتب الجميله جدا ..


و حبيت أن أنقلها لأصحاب الذوق الرفيع أصحاب هذا المنتدى الشامخ ..


و لعلها تعجبكم ..


________________________________


سو إلي براسك ولا تذكر أسباب *** لاصرت بايعني توكل على الله

ما بيني وبينك مشاريه وعتاب *** شف دربك الي جيت منه تدله

ماراح تغلبني لو الحب غلاب *** من حضرتك عشان قلبي تذله

في ذمتي لجعلك عبره للأحباب *** لين الخلي يتوب عن جرح خله

زلاتك الي مانفع فيها احساب *** لاجيت اعددهن ثمانين زله

أحرجتني بين القرايب والأحباب *** كن الجفا سيف بوجهي تسله

ماكنت اقصر فيك من كثر الاعجاب *** يومك تساوي عندي الكون كله

كنت القريب وكلهم كانوا اغراب *** حتى القمر لاغاب شفتك محله

خلاص لاترجع ترا خاطري طاب *** مابي طرا اللي كنت عايش بظله

رح واعتبرني واحد اذنب وتاب *** ماني بثوب تلبسه ثم تمله

مايجتمع بالحب صادق وكذاب *** رزقي على الله وانت رزقك على الله




للشاعر: عطالله فرحان ..