|
الشعر بوح وهاجسي يكره البووح
الشعر بـوح وهاجسي يكـره البــوح /*/ وش لـون يلقى كاره البـوح راحـــه
الطعنه اللي حاولت تاخـذ الروح /*/ ماخلـت بصدر الشمالي مسـاحه
ياضيقـةٍ صارت معي .. وين ماروح /*/ بعض الصراحه منك توجع .. صراحـــه
لكن حبيبك ماتعـّود على النـوح /*/ ياخـّف جرحك بين باقي جـراحـــه
بعض الجـروح نحبهـّا لو هـي جـروح /*/ يسعـد مســا جـرحك .. ويسعـد صباحـــه
مسموح لو توجـع خطاياك مسمـوح /*/ حكم الخطايـا منك .. فينـي مباحـــه
حتى ولو قلبي باياديـك مذبــوح /*/ يضحك وكنـّه جالسٍ باستـراحــه
وسلآلآمتكم
التعديل الأخير تم بواسطة حسايف ; 13-10-2004 الساعة 01:54 PM
|
العرض الشجري