حمد ابن فطيس && محمد ابن علوش ...

[(هاوي قصيد)]

انقل لكم ردية الكبار , بين الشاعرين العلمين \ حمد ابن فطيس المري ومحمد بن علوش الهاجري

راجي ان تنال اعجاب الجميع ,,,,

انا ماني بحول للحمامة كـون عقـب الشيـن = الـى منـي دريـت ان ذا الخلاويّـة خلاويّـة

انا ماني على البرقه زهوف وكلمـة التلحيـن = إلى من شفت مـن تبـدي شكاويّـه شكاويّـه

انا اقرنس بفضل الله مـن الذرعـان والكفيـن = احوم بجـو وانظـر مـن علاويّـه علاويّـه

انا مااهتم لا كثر المماسح مـن غـراب البيـن = انا ارقـا فـوق ولا هـو حراويّـه حراويّـه

انا ادفع كاش لهل الكـاش والبعديـن يابعديـن = ابـو بعديـن ماتلـحـق منـاويّـه منـاويّـه

يقولون الفقر بيّـن مـع مـن بيعتـه بالديـن = وانا اعطي كـل مـن زادت هقاويّـه هقاويّـه

انا ادري كل سرٍ ما يذاع ان سار بيـن اثنيـن = واعرف ان الطريق اصعب ملاويّـه ملاويّـه

إلى شفت العقول الراجحه من بين حين وحين = عرفـت اشقومهـا روس الشقاويّـه شقاويّـه

اسل السيف فن وكيف وامـاري بابـو حديـن = واعرف ان كل الايمـان الرهاويّـه رهاويّـه

مع اهل الصف الاول ما تعيّنـي مـع التاليـن = نعمـت ابدار..والـدار السنـاويّـه سنـاويّـه

ويعجبني فقط لونين ..ماني بارغـب التلوييـن = نهـار وليل..والاريـا السحاويّـه سحـاويّـه

اعـوّد للقديـم ولاجهلنـي عيشتـي بالفـيـن = ولا بشمـت واعـرف ان الجلاويّـه جلاويّـه

ولاني بالتفت في راعـي التهويـل والتخميـن = ولو هـي متقنـه تبقـى السماويّـه سموايّـه

ابعد خطوتي والاّ قصير الشبـح ابـو متريـن = يروح..يرد..ويتبّـع.. خطـاويّـه خطـاويّـه

صدور الناس ديواني ولا يحتـاج لـه تدويـن = انـا وش جبـت لاقلـت النداويّـه نـداويّـه

الى شفت الردي يبغي يروح ايسار رحت ايمين = اخليها..تجاوبـهـا ..غطـاويّـه غـطـاويّـه

انا ماني وابو وجهين يامحمـد بخشـم وعيـن = ابـو وجهيـن مـا غطّـت بلاويّـه بلاويّـه

انا شبحي يابن علوش مع شرواك عقل وديـن = انـا ادري كـل مطلـوب الهواويّـه هواويّـه

انا ادري بندق الفتنه لها روح ولهـا روحيـن = وعلـى الـدم الشياطيـن الشفاويّـه شفاويّـه

ابعّد خطوتي عن كل دربٍ فيـه جيـم وسيـن = وخـرج المعرفـه تربـط عراويّـه عراويّـه

انا اعرف وين اوجه كلمتي لاسار زين وشيـن = لها باختـار مـن تطلـب عزاويّـه عزاويّـه

انا ويّاه في حلفٍ من السابـق ومـن ذالحيـن = انـا ويّـاه لـو مـاحـن دنـاويّـه دنـاويّـه



(رد الشـاعـر محـمـد بـــن عـلــوش)


قريت بيوتك العذبـه، وراحـت كنّهـا بيتيـن = بيـوت كبـار، وبيـوت الصباويّه..صباويّـه

فتحت الباب يبن فطيس ماحطّيـت لـه قفليـن = ولا وقّفـت حــرّاسٍ جبـاويّـه جبـاويّـه

أنا وافي، وأحبّ ألعب مع أمثالك من الوافيـن = ومـع غيـر الوفـي أجعـل مثاويّـه مثاويّـه

منين ووين؟ يا أديب الشعر يمّتْك هـذي ويـن = وشاللي جدّ فـي النفـس الشلاويّـه شلاويّـه

رعاك الله يبن فطيـس وش خلّيـت للمنويـن = على ياس الرجـا تبقـى الرجاويّـه رجاويّـه

يازين مداعب أفكار المعرفه لشعـراٍ واعيـن = على سمو الادب تبحـر جراويّـه جراويّـه

تهوم أصعب مسارات الخطاوي ماتقول منيـن = بفكـرٍ معظـم دروبـه نحـاويّـه نحـاويّـه

تشوق عقول من فعقولهم حاجـه مـن الثنتيـن = فراسـه أو مـن أيامـه دعاويّـه دعـاويّـه

إدن منّي، وبأدنا منْك لو ماحن لبعـض أدنيـن = جمعنـا الطبـع، والنفـس الغناويّـه غناويّـه

نعم، والرجل أبو مبدا على ماهو عليـه سنيـن = مثـل شيـخ الفتـاوي هـي فتاويّـه فتاويّـه

وفي مادون ذلك كـلّ يـومٍ لـه جديـد يبيـن = نهـاوي نفـس، وأهـداف النهاويّـه نهاويّـه

أنا ماآقول لضعوف الروابع كـون ألا ياسيـن = يـدربٍ مستـوا دامـت مهـاويّـه مهـاويّـه

ولضعاف النفوس آقول ألا يامال فرقـا العيـن = عليكـم مبعـد الـروس الطناويّـه طنـاويّـه

وأبو قلبٍ كنا سود الظغاين من تحت ضلعيـن = بـلاه يـزود لـو يلحـق بأداويّـه وأداويّـه

نعم والفرق واضح بين أبو محمد وأبو وجهيـن = لـه أشباهـه، ولوجـيـه اللهاويّه..لهـاويّـه

وأنا ماني بداله، وأنت مااظنّـك مـن الساليـن = دله في وسـط الأسـواق الرباويّـه رباويّـه

كرامتنا توقّفنا على أدنى أقصر مـن الفتريـن = تربّيـنـا كــذا لــنّ النقـاويّـه نقـاويّـه

تشرّبنـا معزّتنـا مـن الفانـيـن والحيّـيـن = تميّـزنـا، وهملـنـا الرخـاويّـه رخـاويّـه

لأنّي عشت وشفت وكلّ من لايعتبـر مسكيـن = وأنا أجـزع وأقتنـع ولاّ الظراويّـه ظراويّـه

تدور أيامنا غصـبِ علينـا، ماحـن براضيـن = عطت تـاج الذهـب عقـب الفداويّه..فداويّـه

وتمّت وإسلم وسلّم يبو محمّـد علـى الغاليـن = وعسـا ردّي علـى قـدر الغلاويّـه غلاويّـه

وسلامتكم