قصيدة للشاعر ماجد المسعودي في حفل احد شيوخ المساعيد

[راعي البلجيك]

قصيدة للشاعر ( ماجد المسعودي ) ...

في حفل عند احد شيوخ المساعيد والضيوف هم الاشراف والحروب والانصار والساده وبحضور عدد من المشايخ وقد طلب صاحب الحفل من الشاعر ماجد المسعودي قصيده ترحيبيه قبل الحفل بليله واحده وعندما رفض الشاعر قال له بالحرف الواحد والله بكرا في الحفل انادي على اسمك وقول قصيده يلقيها الشاعر ماجد المسعودي وااخليك في احراج المهم الشاعر ماجد سوا هذي القصيده الجزله واتمنى تنال اعجابكم :

هلا يامرحبا ترحيبــتن تسوى مية مليار =مية مليار ماتنقـص ولوزدنا نقول الزود
تبا تلفت لها الاسمـاع الاذهـان والانظار= كما نون يقود المزن قدرة ربنـا الـمعبود
أرحب في محل العز بالأشراف والأنصار = وارحب بالشيوخ وبالحروب ورحبنا ممدود
الى الساده ومن حضر من بعيد الدار وإلاجار = ولآني قاصر الترحيب عن غايب وعن ماجود
سلالة خير جيل ومن صحابه تفخر الاخيار = نسبهم يذكره تاريخ لاجاحد ولا مجحود
فغزوات الرسول سيوفهم دارت على الكفار = جحافل فالمعارك لاتهاب ولالــهم منقود
كريمين وكرمـهم تآجده فكبارهم وصغار = وصار الذكر والأفعال تذكر والفعل مشهود
لهم عز ولهم توقيــر مع هيبه لهم مقدار = اهل فضل على اجيال تلتهم والفضل منشود
نحق الحق لســـابق على الـلاحق ولانحتار =ويرضي من حضر قول الحقايق غاية المقصود
أهل نخوه فوقت الضيق وأوقات السعه تنزار =لبذل الطيب قوم جاهديــن وتبذل المجهود
وعزم الحر ماينقص يزيد ويذكر الاحرار = وطنا جمع الأحرار واصبح قولنا معدود
(ولهذيل) المثايل تنجلي وتشع بالأنوار = رسول الله قايدنا وجد هذيل ابن (مسعود)
صعدنا سلم الأمجاد كالرايه عليها النار =على كل الليالي البيض وإلا فالليال السود
لكيل المــد صـاع وكيلنا للمــــد بالقنطار = شجاعة طبع في خندف شجاعه ماتعرف حدود
كرم مانتبــع بالمن فينا ميـــزة الأيثــــار = نقدم كل مانـــملك ولا يلحق لنا منـــــقود
قبل ماأختم كلامي للوطن ننهض نهوض إعمار = نهوض أحرار ماتهدم ولاتبني جدر مهدود
ومن يسعي لهدمك ياوطن قاصر به المشوار = يبا يلقى لهيب النار حتى عن خطاه يعود
عهدنا للفهد داخل ضميرصغارنا وكبار = مليك قادنا للعز حنا في رضاه جنود
فهدنا لو يدور الوقت وإلا ياعرب مادار = شجاع مايهاب الموت حزم وجزم لابن سعود
حكم بالعدل شرع الله وطبق سنة المختار = يسود الحق ومن حاول يغير ديننا مردود
وأعيد أكرر الترحيب مايرزيني التكرار =أرحب بالقبايل عد ماهبة هبوب النود
وصلاة الله على الهادي عدد ماتنبت الازهار = وعدد ماهلت الامطار من مزن صداه رعوود

وســــــــلامتكمـ