ضــــاقـــت عــــــلــي

[جراح بن ضيدان العجمي]

السلام عليكم ورحمة الله وبركاته
اعتذر عن كل اعضاء المنتدى على انقطاعي للشبكه العنكبوتيه
وذلك لظروفي الخاصة وضيقة الوقت . والان اتيّت لكم ومعي بعض الاحساس
وارجو ان تقبلوها وارتككم معها ولعلعا ان تجيز رضاكم
//
//
صلو على النبي
//
//

ضاقت علي ياحيلتي وين آغدي =كل الدروب اللي بوجهي زايفه
الوقت حمّلني ومن فوق جهدي = ونفسي من اللي عاد كنها خايفه
يانفس انا لي هامةْ فوق الجـــدي = لا يزعلك سافل ولا سفايفه
طبعي انا لا من بلاني المعتدي =اشوفه وكني ولاني شايفه
لاني كبير اكبر من هروج الردي =اللي يغص الهرج في شفايفه
اتعب على عرف المعرّب واقتدي =والاحنه واطرب على طرايفه
ياقف معا الشدّات درعي وسنــــدي = ارقا بمثله للعلوم النايفه ؟
ولي من زهمته والله أبشر بسعدي = يدري بماجوبي ولا هو طايفه
ولا الردي والله فلا جا مقــــــــعدي =ولا طمعت اصير من ولايفه
لو عشت في دنيا الغرابيل وحدي =ماهين نفسي دامها له عايفه
لاني اعرف انه ليا حان وعــــدي =ماشفت منه الا الأمور الحايفه
كذا ورثت الطيب واخلف لولـــدي = علمٍ يقدّابه وروحه كايفه
اي بالله اني كل ماجي مــرقـــدي =يحوفني طيف الحزن وآحايفه
يانفس هونك من عذابك واركدي = اقدار ماهي في عذابك رايفه
قولي على الله يزهر الغصن الندي =واقطف من احلا ماثمرت قطايفه
مايدمح الزلات كون الاجودي = ولا يتبع الهينات كون الهايفه
البيب بالسيسان لامن شيّدي = مع الزمن مايخذله طوايفه
والا الردي لايزعلك هرج الردي =اشوفه وكني ولاني شايفه
//
//
جراح بن ضيدان العجمي
//
//