اقتباس:
|
المشاركة الأصلية كتبت بواسطة محمد بن سعود
بالنـور هلا
ياليل .. ياليـل السهـر أنـت الصديـق=عشتـك وانـا همّـي عجـزت أفـرّقـه
الجـرح قاسـي والزمـن مالـه رفـيـق=والصبـح مظلـم لـو يطـوّل مشرقـه ؟
أسهر معـك وأشاركـك ضيـقٍ بضيـق=وأصبحت لي نسخـة (صديـق) امصدّقـه
الطيـر .. دون جنـاح كالحبـل الدقيـق=والغيـث لاسيّـل .. غيـومـه مبـرقـه
ويبقى الفضـل للـي كريـم .. ولايعيـق=يعطـي وغـيـره مايـقـدّر منطـقـه ؟
عمـر الزهـر ماينكـر عـذوق الرحيـق=دام النحـل فــوق الـثـرى يتـذوّقـه
والصاحـب الغايـب علـى ذاك الطريـق=بكـره يحـس .. ونـار دمعـه تحـرقـه
(( أمّا أصيـر بداخـل ضلوعـه عشيـق=ولا يخلّيـنـي بحـبـل المشـنـقـه ))
|
مستغربيـن صـح !
كل ما في الموضوع أعجبني اخيتار أخي محمد
وحبيت أدور القصيده ، وحصتلها
أتمني أن تعجبكم ، ، ،
نفس الطريق (اللـي اذا جيتـه أضيـق )=مرّيتـه البـارح .. وقلـت : أبطـرقـه
وإلاّ أمـر بذكـر .. طاريـه العتـيـق=الصاحـب اللـي كـل (مابـي) محرقـه
مرّيت بأحلامي .. و[دمعي] .. والحريـق=بأطلاله .. وكذبه .. و[جرحي] .. وافشقه
أوهامي .. وصدقي .. ونفـسٍ ماتطيـق=وانكـاره .. وزيفـه .. وصـدرٍ مفتقـه
طريـق .. والأجـدى يسمّونـه مضيـق=والاّ يسمّـونـه فـنـون (التريـقـه) ؟؟
بالنسبه لي .. سمّيته ( الجـرح العميـق )=وعنونته بإسمـك يـا[ حبـل المشنقـه ]
.
.
يطيـح حظـي وأحتـري إنـه يفـيـق=ويبقـى طريـح وثـم أمـلْ وأسبقـه ..
( من يوم شفتـه داخـل دموعـه غريـق=صدّقت فعـلآ .. بالدمـوع المُغرقـه !! )
قلبـي ولـو إنــه بهالدنـيـا طلـيـق=( الحظ رافـض فـي زمانـه يعتقـه؟ )
أواجـه همومـي وبـالـي مستضـيـق=جـرحٍ يمـر .. وجـرح آخـر أفهـقـه
كلّـه سبايـب جـرح منهـو (مايلـيـق=لقلبـي الصـادق .. وشخـصٍ صدّقـه )
عطيتـه أغلـى شـي بإحسـاسٍ رقيـق=" مساحـه بقلبـي .. وأكبـر منطـقـه "
كان بحياتي .. حب .. واخلاص .. وشقيق=وكان الـورود اللـي بصبحـي مورقـه
كنت أعشقـه وأبـل منّـه ريـق ريـق=وأغـرّب العالـم ... وهــو أشـرّقـه
كنـت أسهـره لانـام (وبحـبٍ وثيـق)=وأتعب على شانه .. وأعيشه .. وأعشقـه
ماملْ مـن شوفـه .. وجفنـي مستفيـق=( أجـوع فـي صبحـه وأنـا متريّقـه )
أغار من نفسـه .. ولعيونـه ( أويـق )=وأغـار حتـى مـن مـنـامٍ يسـرقـه
لكن .. تركني وأنكـر الحـب العريـق ؟=وطـاح القنـاع اللـي عليـه .. يعلّـقـه
ياليل .. ياليـل السهـر أنـت الصديـق=عشتـك وانـا همّـي عجـزت أفـرّقـه
الجـرح قاسـي والزمـن مالـه رفيـق=والصبـح مظلـم لـو يطـوّل مشرقـه ؟
أسهر معـك وأشاركـك ضيـقٍ بضيـق=وأصبحت لي نسخة (صديـق) امصدّقـه
الطيـر .. دون جنـاح كالحبـل الدقيـق=والغيـث لاسيّـل .. غيـومـه مبـرقـه
ويبقى الفضـل للـي كريـم .. ولايعيـق=يعطـي وغيـره مايـقـدّر منطـقـه ؟
عمر الزهـر ماينكـر عـذوق الرحيـق=دام النحـل فــوق الـثـرى يتـذوّقـه
والصاحب الغايـب علـى ذاك الطريـق=بكـره يحـس .. ونـار دمعـه تحرقـه
(( أمّا أصيـر بداخـل ضلوعـه عشيـق=ولا يخلّيـنـي بحـبـل المشـنـقـه ))
محمد الحلفـي
العرض الشجري