بشبهك ياحلا كل المزايني @@@ بقصيدة ً خالد الفيصل مسويها

[محمد المحلكم]

في لحظة وداعها تمسك بيديني= وانا اسحب ايدي وانا ودي اخليها
صديت منها وهي تبكي وتتدعيني =وانا اتعبر وعبراتي مخفيها
ماودي تشوف دمعي حاير بعيني = في لحظة صعبة ماقدر اسميها
شدتني وقالت اقرب انت تبكيني=قلت انتي العين بقناعك طرفتيها
قلت الوداع وتناسي انك عرفتيني =انسي حياتك معي حياتك انسيها
قالت انا لا نسيتك منت ناسيني =حرام اعذبك وعيونك اعنيها
قلت اسمعي انتي هني بتبقيني= اشرت لي قلبي وقصدي اوريها
من حيثه ساكنه اول وذلحيني =ماتدري اني ابيع الناس وشريها
ماتدري ان حبه دم الشرايني =وماتدري اني على روحي مغليها
ماتدري ان حبها متحكم فيني = اومره لازم وغصب ً اسويها
حبك ملكني ملكني كان تتدريني = حبك بقلبي وبعروقي مشا فيها
لاجيت اوصفك يامدعوجة العيني = صفاتك النادره ماقدر اوفيها
بشبهك ياحلا كل المزايني = بقصيدة ً خالد الفيصل مسويها
قصيدة ترجح بكل الموازيني = عذبه فريده حلاها في معانيها
قصيدة وافيه يكفيك بيتيني = وش عاد لو كان ابو نوره مغنيها
وسكت منها ولابغاها تحاكيني= وثاري عيوني القشر تحاكيها
قالت ابا روح وعيونك تناديني= قلت ارحلي وتركي عيني وكبيها
قالت طلبتك فديتك لا تخليني = ماودي ارفض طلبها ودي اعطيها
لكن زماني تحدى انه يعنيني= وسود الليالي يعنيني تحديها
قلت الزمن واقف من بينك وبيني = ومر بضروف ملزوم ٍ اراعيها
قالت تحد الزمن ان كان تبغيني= حبيبتك يامحمد لا تخليها
قلت ارحلي ماوزا قلبي يكفيني= وقصة غرامي معك ذلحيني بنهيها
خلاص روحي وانا بروح فكيني = وسمك ورقمك من الجوال بمحيها