السلام عليكم
هذي قصيده للا خوان المتابعين وارجو ان تنال اعجابكم
مناف متهيضٍ ببيوت الا شعاري = يوم الشعر مسعفٍ ثم زان طاروقه
يامل قلبٍ على طرد الهوى ضاري = لما نسى تل قلبه همه وشوقه
باسباب من صار حبه في دمي جاري = في داخل عروق جسمي حبه يسوقه
البارحه ساهرٍ في غبة افكاري = ماذاق جفني منامٍ وده يذوقه
طرى علي من هواجيس الهوى طاري = عيني به العام من الا وهام مرهوقه
لبو جعودٍ تشابه برقة الذاري = في رملةٍ من ذرير الرجم مرشوقه
ابو ثمانٍ تشابه لول محاري = كن الرحيق المصفى سايلٍ فوقه
والعين عين المها لي صار متواري = من المقانيص والقناص وطروقه
والخد براق ليلٍ رايح ٍ ساري = ليلٍ اغيومه تقادح وسطه ابروقه
ودي بقربه ونا ادري والله الداري = ان ودي اني دمه في داخل عروقه
غير الدهر من حلات العمر لي عاري = كنه على غربلة عمري جعل طوقه
ماغير يا الله يا علام يا باري = يا خالق العبد وموفيه بحقوقه
مادام الا يام ولت والدهر زاري = بصبر وقول الليالي البيض ملحوقه
الين ينباج نور الفجر با اقداري = واقدار الا نسان ملحوقه ومسبوقه
الشاعر مناف اليامي صاحب لقب < الشاويش >
العرض الشجري