محاورة عبر الجوال بين قحطاني ويامي

[راكان اليامي]

محاورة عبر الجوال بين قحطاني ويامي

اخواني السلام عليكم

محاوره من النوع الغريب حدثت بين يامي وقحطاني ولكن اليامي هزم القحطاني وانتهت المحاوره في وقت قصير واليامي لم يكن يعرف من الغازي عليه الا بعد عدة ردود

هذا القحطاني بحث عن رقم جوال اليامي كثيرا وجمع حوله من جمّع من اصدقائه وبدأ بهذا البيت



سلام يا شاعر عجبنا قصيده = ماهي غريبه من جزيل الجزاله



رد اليامي وقال

يا مرحبا وامسك بكفّك جريده = واقرب فديتك واعتصم بالصماله



رد القحطاني وقال

تبقا وانا عندي جريده جديده = وكبيرة(ن) ما تحتملها رساله


رد اليامي وقال

عطني علومك جعلها لي سعيده =سقها على اللي با يغثـّك قتاله


رد القحطاني وقال

اعفاك .. شاعر له مغازي بعيده = جاك ايتحدّى حالك اسان حاله


رد اليامي وقال

يامرحبا يفقض على ما يريده = وبنشوف ماللي يعتزي به خواله


رد القحطاني بعد طول انتظارمن اليامي له وقال

ذالليل باتصفق حديده حديده =وبنشوف من تصفق يمينه شماله


رد اليامي وقال

فك البعير اللي عبث فيه قديه =واسمر مع اللي تلتوي بك حباله


رد القحطاني بع ماطلب منه اسمه وقال

اعقب ترى قحطان زبّن عضيده = ماهو بعير (ن) طيب الله فاله


رد اليامي وقال

الفاطر اللي عقـّلوها عبيده = با تعطف لراعي الكرم والشكاله


رد القحطاني بعد اكثر من ربع ساعه وقال


شعري يسرك في الظروف الشديده = وشفيك ياليامي ترد بخماله


رد اليامي وقال

يا صاحبي راسك قطعنا وريده = واحسن لك تبيع الشعر في بقاله


وبعد طول انتظار ارسل اليامي رساله للقحطاني وقال ابغاك تلعمني من انت ولا ابغاك تخرج زعلان

ورد القحطاني برساله وقال

عزالله انّك من بغيته تصيده = وان فاطري ركبت عليها الشماله


واتصل في اليامي وقال انا فلان بن فلان القحطاني وقسم بالله اني ادور لرقمك على شان العب معك واجرب نفسي معك

وقال اليامي يارجال مكسب الرجاجيل افضل بكثير من الشعر والحمد لله اني كسبتك وابشر بسعدك فيما بغيهنت



وانتهت المحاوره وانشالله انها تروق لاذواقكم