البارحه مرّيت دار المحبيّن= ابغي اودّع عشقتي وامحرومي
مرّيت كل الناس قراب وبعيدين= وخذيت معهم خاطري والعلومي
ابغي دقيقه ماحصلّي مع الزين= العين رمدا واللسان امعكومي
لو كان نظره تشخص العين بالعين= بالعين يفهم صاحبي ويش قومي
صدّيت عنها حسبتي فوق يومين=حبيّت اجرب وخذلتني عزومي
واشلون بأقوى غيبته عني سنين= اولين يدرك آخر العمر يومي
وان صار هذا اذرفي الدمع ياعين=واكسي قلبي ياكبار الهمومي
وانا اشهد اني صرت ويّا المقفّين=وصار الحشا يصلاه حر السمومي
ولا عاد ينفع طب ويّا العطيبين= لو كان طبّي شرب ولاّ لهومي
لي وصفة وحده يالمداوين= ما غيرها يقدر يداوي صدومي
ان ما اجتمع شملي مع كامل الزين= اكيد يومي عن غريب امحتومي
تكفا يا متعب خافقي صار قسمين= قسم مع خلّي وقسم امهشومي
قلبي يحزنّه حدود السكاكين= والعين امسح دمعها في كمومي
قمت اتعزّز واشكي المر والبين= واشكي حظيظ طاح عيّا يقومي
متعب عسا يخطيك مس الشياطين=ويحفظك ربّي من جميع السقومي
الله عسا من لامني فاله الشين= يشقيه ربّي وعن مقاته يصومي
متعب يامتعب موجعاتي مكامين=الله يلوم اللّي لقلبي يلومي
صوبك بمد اخطاي والقلب سارين= ومثلك يقوم بواجبه واللّزومي
انا وقلبي ننتظر منك معين= وان ما حصل نبي نعذرك يا محشومي
13-05-2004, 03:19 PM
العرض الشجري