على دبور الحظ جات القراده=يالله تدبرها عليك التدابير
ياذخر من لا ذخر له ياسناده=ادخل عليك من الليالي المعاسير
اول زماني راح هم ونكاده= واخر زماني مدري كيف بيصير
ياحيلة الله من حيات الزهاده=حتى هلى مني بعد عينوا خير
لابد من يوم ينسنس ابراده=وتشرق مع شمسه وجيه المسافير
الجادل اللى ماطرى لى بعاده= لين اصدرت حكم الفراق المقادير
حبه على السرجوف قدح زناده=وغصون قلبي لحقها منه تأثير
من جنة الفردوس يجنون زاده=وانهارها تغنيه من جمة البير
هاتوا الكفن واقروا على الشهاده=وردوا سلامي له معزه وتقدير
مهــــــــــــــــــــــــــــــــــــــــــذل= الصقــــــــــــــــــــــــــــــــــــــور
31-01-2006, 02:57 AM
العرض الشجري