اقـر الرساله وبرق في معانيها..!!

[محمد بن منصور]

قصيدة جديدة وأنتم تستاهلون كل جديد..

ياغرو ياللي جديد اللبس يزهيها=ياللي تقلبت في نومي على شانه
ادمية (ن)مالقيت اللي يحاليها=ابوعيونن تقول عيون شيهانه
مرًت إضلوعي وبنت في محانيها=سوق الغلا شيدت بيته ودكانه
ياكبدي اللي ظمانه ويش يرويها=لوهي على جلهة الغدران عطشانه
وقعت في غبة (ن)ماكنت ناويها=مال الهوى عندها قيمه ولاخانه
والله يلولا الحيا لاقوم وادعيها=واقول تكفين لاتقفين يافلانه
قلبي يسره دوام (ن)يوم يطريها=تخطي علي واحسبن ماهيب غلطانه
ماهو يصدق عذاريب البشر فيها=يرجح غلاها كثير بكف ميزانه
سميها تتعب الفلاح يسقيها=وسميها في البحر من بين مرجانه
وسميها في السما والرب منشيها=والرقم خمسه ختام الأسم واركانه
اقر الرساله وبرق في معانيها=تلقى سميه ورسم له وعنوانه

.