( جبّتها بالملّي ) !

[نايل الظفيري]

السلام عليكم ورحمة الله وبركاته







مشاركه اتمنى لها القبول ..

عارف ٍ مدخال هرجي من قبل مخراجه =يا مزون الشعر من غيم المشاعر هلّي
الحكي محتاجني والسالفه محتاجه = مرّة ٍ تحلل ومرّه تعقد المنحلّي
تحزن العذال وإلاّ تفرح الهراجه = الحكايه والروايه جبّتها بالملّي
كل داء ٍ عند رب العالمين علاجه = يرفع المتواضعين وينزل المتعلّي
وكل حاجه بالزمن هذا مقابل حاجه =والحقيقه ثابته والواقع المتدلّي
لو عقد وجه الزمان المستبّد حجاجه = بين اموت بعزّتي والاّ اعيش بذلّي
ما رضيت الذلّ لو وقتي يشدّ سياجه=ولا قبلت الهون من دقّي ولا من جلّي
يا بعد صبح القصيد وشمّسه الوهاجه=ويا بعد ليل الكلام وبدره المتجلّي
اقفلي باب المفارق وأكسّري مزلاجه=وانثري بعضّي بوصلك وأجمعيني كلّي
وامسحي بيد المحبّه دمعة ٍ لجاجه = واحفظي ذكرى هجيري لين احس بظلّي
لو يزيد الضيق ينقص والوصال افراجه=ولو يطول الحزن تقصر ضحكة المتسلّي
يا سراج القلب والاّ خافقي وسراجه=والله انّي في غرامك صايم ٍ ومصلّي