يـآولِيديْ مَـآتصِلحْ .. آلبِنتْ تِدرسْ طِبْ ..!!

[3jmia oo aft5r]

بٍـ إسِمِ مَــآلِكْ الّـ كَونْ


سَلاَمٌ مِنَ العّلِيْ الّقَديِرْ وّ رَحّمَةٌ تَغّشَــآكُمْ ~




هذا اول موضوع لي وللامانه الموضوع منقول
قريته وحبيت تشاركوني باراءكم

المكالمه:
( جزء مقتطع من المكالمـــة )




الرجل المتحمس :
يما ماصارت ؟؟ صارلكم دهر تدورون لي عن بنيه .. خلصوا البنات ؟ شدعوا يما ..


الأم :
لاياوليدي ماقضوا هَو ! بس وش معجلك ؟؟


الرجل :
ياميمتي كل ماتمرون على بنيه تطلعون فيها عيب !! ترى قسمن عظمن أنحرف


الأم مقاطعة :
احرف وجهك بكف لا انحرفت .. !! ماتبي بنيه سنعه ؟؟


الرجل خاش عرض :
بلا ياميمتي بس طولتوها ترى !


كل مره تقولون لي ترى بنت فلان العين عليها ..ولا اسمع شي بعدها !!
وين هذيك البنت اللي تقولون كنز من السما ؟؟


الأم :
ايييييييه هذيك ونعم .. بس ماتصلح ماتصلح !


الرجال وهو متحسر حده وكل شوي يبعد الجوال يدخن من الزقاره اللي بتخلص وهو مامز منها شي ويرجع يقرب الجوال :


يما الله يرحملي والديك اللي ماتوا ايام الدوله العباسيه .. ليييييه ماتصلح ؟؟ فهميني !!


- عصبيه ؟
* لا ..
- قليلة تَربية ..
* هَو .. لا ..
- دبه حدها ؟
* لا ..
- تدخن ؟
* واخزيااااااه ... لا ..
- فيه شي من اللي ابيه مو فيها ..؟
* هم لا .. كل اللي تبيه فيها ..
- ( الابن بعنف ) :
اجل يما شفيها !!!!!!!


* ياوليدي اذكر الله ..بس البنت تدرس طب !!!!!!!!


- (الابن فاك فمه والدخنه تطلع منه بدون وعي ..الابن يطفئ الزقاره بالسيت اللي جمبه ) :


شنو يما ؟؟ تدرس طب ؟؟ ويعني ؟؟ وش فيها ؟؟ خل تطلع طبيبه ونعم يما !!


* لا انسى موضوعها ..
تبيها تمسك شفتين باليوم ؟؟


تبيها ايام تمسك شفت 12 ساعه ورا بعض ماتشوفها ؟؟


تبيها احيانا تصحيك من النوم 12 بالليل توديها للمستشفى وماترجع الا الظهر ؟؟


من يمسك البيت والعيال ؟؟ من يقوم بالبيت ؟؟


ماخذها تريحك والا ماخذها تسكن بالمستشفى صبح وليل ؟؟




- الابن يضع يده على رأسه ويشد طاقيته محاولا مسك زمام السيطره :
يما ... من جدك انتي ؟؟
مستقبلي يضيع .. وبنت لقطه تضيع .. والسبب انها تدرس طب ؟؟
يعني كل اللي يدرسون طب مايتزوجون ؟؟
والا المقاريد اللي ياخذونهم ؟؟


* عاد ياوليدي اتكل وبس ...


- الابن يحاول استيعاب الموضوع ...


* وانت جاي
مر على التويجري جب لنا اخلاص وسكري


- الرجال حاط راسه على الدريشه وانفاسه ترسم عليها غيوم ومايرد ..


* طووووط طوووووط طوووووط


















آلخُ ـلآصَـةْ :




لِيشْ هَـ آلنَظرَهْ لِـ بنَــآتْ آلطِبْ ..؟؟
وَأيشْ آلحَـلْ مَعْ آلليْ يِفَكِـرونْ بِـ هَـ آلطَرِيقَهْ ..؟


وَ آلمُشكِـلةْ
أصحَــآبْ هَذيْ آلـ عُقولْ إذا وَدآ زوجتَهْ آلمُستَشفَىْ أوْ أمـهْ
مَـآيرضَىْ إلآ دِكتُورةْ تِكشِفْ عَ ـليهَــآ
..!!!
[ تَنَـآقُضْ مُـوْ ]