|
(تزعل و ترضى)
وتزعل !! .. وش ترى معنى الزعل في سكّة الخوّان ؟
وترضى !! .. وش بعد يعني رضاك بجنب هجرانـك؟
كثير .. كثيـر مريـت المواجـع ، أنشـد الأحـزان
واثارينـي انـا كـل المواجـع – قلـب احزانـك –
مسا التسعات والأصفـار والستّـات .. والخـذلان !!
مسا الدخان فـي سطـح البيـوت وعلـك أسنانـك
يا انت اللي نسيت أنّْـا كثيـر أقـرب مـن الأخـوان
وش اللي رجّعك / لأجـل الهدايـا / لآجـل تحنانـك
وش اللي ذّكـر إبهامـك لهاتـف بيتـي الولهـان ..
وانـا كنـت اقـرب بتأثيـر نفسـي لأجـل نسيانـك
وش اللي ذكّرك .. قل لي ؟! ابي منـك الجـواب الآن
انا ما حيلتـي ارضـي غـرورك وأطعـن إحسانـك
انا يا أبن البشر – لابـد تعـرف – اننـي إنسـان ..
لي قلبٍ برغـم اخطـاء قلبـك / مـا خطـا وخانـك
تجيه بدون سابق موعدٍ يا رييييييـت مـا قـد كـان
وترضى كن انـا المخطـي : و تجازينـي بهجرانـك
وسلامتكم
__________________
انا اشهد ان اللي ورا الناس كايد ,,, بتموت ما تلحق وراهم منافيع
ناس تصدق وناس تعطي وعايد ,,, وناس هدفها تشتري فيك وتبيع
|
31-05-2005, 10:19 PM
العرض الشجري