قصيده قويه في مهايطية البل ؟؟!!

[جابر بن عبدالله الفايز]

السلام عليكم ورحمة الله وبركاته

يهني من هو بعارينه يسلنه ؟؟؟


يهنـي م هـو بعاريـنـه يسلـنـه
يطرد وراهـا وكنـه محتـم التالـي
والاسبقهـا وهـن بالـدرب يقفنـه
ومسجله فوق راس الجيـب ويلالـي
مع شلتـه والمواتـر جالهـا رنـه
وكلن يهيـل المدايـح دق وجلالـي
ويشب نـار المنـاره تالـي الكنـه
والناس بالقيض زاد أشعالها أشعالي
حـط لـه بشت(ن)ذواليقـه يتلنـه
له شمسة(ن)سعرها وسط البلد غالي
وحطوه بين الاشـده وأكتمـل فنـه
وساقوا عليه الـدلال بكـل فنجالـي
وكل(ن)يهايط ويحرق هيلـه وبنـه
شيخ الكرم منزلـه للنـاس مدهالـي
وقدم صواني بهـا القعـدان مستنـه
وطليانهـا حولهـا والـرز منهالـي
وصاروا جدوده هل التاريـخ والمنـه
لاصار في البنك لـه دولار وريالـي
وجمـع شعاعيـره وموالـه يـدنـه
ومن كل شاعر يجي شيلـه وموالـي
وصارت قناة الفضا لاجلـه يذيعنـه
منقيه الشيخ (طبل) مزبـن الجالـي
ماهوب مثلي ديـون البنـك يصلنـه
القسط يصلاه صليات اشهب اللالـي
ياوقتنا اللي تقلـب واعتلـى شنـه
والطيب عود على سكبات الازوالـي
مخابر الطيـب مازالـت لهـا رنـه
ومخابر المال تـال الوقـت تنزالـي
والشك مايلحق اهـل الطيـب لكنـه
يمرض قلوب بنت مجد(ن)على الجالي


للشاعر / صقر الصقر