محبه المقفي تراها رخامه

[ماني ع فراق ناوي]

ياللي خذيت القلب في كف يمناك
واقفيت ماهمك عتاب وملامه..
...
جرحت قلب اللي يحبك ويهواك
وتركتني بين الرجا وانعدامه..
...
احيان اقول اتعود في يوم والقاك
واحيان اشوف الياس بنا خيامه..
...
واحيان في نفسي اهرجك وش جاك
واحيان اجر الصوت هذا علامه..
...
تخطي وتبغاني اجيك اطلب ارضاك
وتسعى على حبل الوصل بانعدامه..
...
ومع ذلك ادمح زلتك واترضّاك
وهذا غريب ٍ فالهوى وانسجامه..
...
ان جيت اسج الرجل واتبع بها خطاك
النفس تمنعني بحب الكرامه..
...
وان قلت اببعد عنك واحاول انساك
تطريلي الحسرة وطعم الندامة..
...
حيرتني ما بين وصلك وفرقاك
واحترت ما بين الشقا والسلامه..
...
ماكان لي قلب ٍ مثل قلبك اجفاك
او اسمع العاذل واصدق كلامه..
...
لاصار قلبك ما صفالي بلاماك
ولاجاد لي بالحب طيب وشهامه..
...
ولا حصل حب ٍ مثل روز مع جاك
محبة المقفي تراها رخامه...