قصتي مع العطر

[موكب]

السلام عليكم ورحمة الله وبركاته

هذه اخر قصائدي اللي كتبتها وهي بسبب حدث جميل

بدت السالفه عندما دخلت محل للعود في مجمع وغرضي الشرأ فا شدتني بنت في غاية الروعه وانا والله من جمالها ما قدرت احط عيني بعينها

وهي قاعده تختار من العطور والاعواد مسكت عود وقعدت تشمه والظاهر من روعة الرائحه طاح العود على الارض وإنكسر

واللي كان ماسك المحل رجل دين مطوع يعني ما كان يقدر يقول للبنت ادفعي فلوس العود اللي طاح ولازم انه يكسب الزبون في هذه الحاله ويجامله

وقال فدوه فدوه انكسر الشر وبعد ما خلصت من اختيار الاطياب حلفت تدفع سعر العود اللي انكسر مع العطور الثانيه اللي خذتها وطلعت من المحل

وانا بصراحه شدني الموقف وعجبني جدا ويستحق اني اكتب في هالموقف قصيده وعلى قولتهم الشعر موقف


واتمنى انها تحوز على رضاكم جميعا

إليكم القصيده :

يا رخص عطرن إنكسر في يدينك=فدوه لرملن تدعسه بالحذيه
خله لعله لا نساني حنينك=تذكار منك وإعتبرها هديه
والله ما أجبر فعايل يمينك= لو تكسرين أضلوعي المنحنيه
لبى عيونك وألف لبى جبينك=خل الخجل عني وعنك شويه
قالت : غشيمه ووحده الله يعينك=جاك العوض لازم تجيك العطيه
قلت العوض كافي مدامي حبيبك=وش عاد أبطلب وأنت عندي هنيه
وإلا العطر يوم إنكسر في يدينك؟؟=ماهي غشامه ... غار منك وعيه

وسلامتن تعم الجميع