إهداء إلى أجمل إنسانه غائبه عرفها قلبي في رحلة الأيام
.................................................. ...........................
تضيق فيني الدنيا ويصغر الكون
لامن طروا إسمها قدام عيني
أحس الجسد من دونها مدفون
من دونها ماعاد في حاجة سنيني
دكتور جيت أعالج قلب مفتون
راضي بطبك لو تنزع شراييني
وان شفت بالإشاعه سود العيون
لاهان قدرك سلمها في يديني
لامن هذيت بإسمها لاتظن مجنون
الجنون لانسيت اعظم حنيني
طعنات المفارق من كبار الطعون
ولالي غير الوصل كود يشفيني
شاعر غزل امسى نديم الضنون
نوبه تضحكني ونوبه تبكيني
فوق خدي هلّت دموعي مزون
وغدا صدر الشمالي من الضايقيني
هي كل حياتي ومالي والبنون
دفتر أشعاري .. وصادق براهيني
يضيح الحكي ما كن الفتى ملسون
لامن جلس قربي ضاعت عناويني
أهاب لاشفت الغضب يحوي الجفون
والخوف من قبل ماكان يعنيني
أداعب جدايل ذهب فوق المتون
تشيل كفي وعين الزعل ترميني
كأن في زعلها اسوار السجنون
ياحرية فراق ليت ابقى سجيني
العشق لو رجال كان امره يهون
اما رضى خوف او طيبه يراضيني
مير البلا طبعه ياحمد ملعون
حاكم وحكمه فوق حكم السلاطيني
لو الحكايه هوى كل زول مزيون
ماكان ذكراها كل لحظه توافيني
كنت أنسى وأسج مع اللي يسجّون
واشوف قلب ثاني بوصله يسليني
مير هوى ساره صلاة المؤمنون
أستغفر الله يوم ثارت شياطيني
كان الهوى فيه نوع من الجنون
احسب حسابي من كبار المجانيني
العمر بيد اللّه والموت مســنون
من دونها ماعاد تلزمني سنــيني
وسلآمــــــــــتـــكــــــــــم ............................. الخالدي
17-08-2009, 04:25 AM
ســاره
العرض الشجري