متى تهب النود عقب السكينه .. ويذعذع الغربي بحظالرجاوي

[نـاصـر]

عوده مع الشاعر الأسطوره

عامر بن نوطان المري رحمه الله

حين أقرر أن أدرج قصيده لهذا العلم أشحذ جميع ملكات أفكاري وأحضر الغايب والشارد منها

كل ذلك بغرض صب القالب للديباجه اللتي تليق بمقام الشاعر و شذا حروف قصيدة الشاعر .
وكأن الشاعر يطلب مني العدول عن ذلك ويقول تنحا جانباً ياهذا

خلوا طويل الرجم يا مرقبينه=للي طوى حاله من الحزن طاوي

ونيت من ضيم الزمان وعوينه=ولالي على غير الآله الشكاوي

ونة غريب عصبته مطلبينه=قضى حياته من ربوعه جلاوي

قلبي من الفرقا تبيح كنينه=وضيعت باقي حيلتي والهقاوي

كم ليلة باتت عيوني حزينه=وامسيت بين الناس كني خلاوي

اللي تركت الروح عنده رهينه=ماني على الأبعاد عنه بقاوي

توقفت الأخبار بيني وبينه=وتقطعت دونه متان العراوي

ادخل على الله من ممات الغبينه=وانا على لاماه قلبي شفاوي

جرح الهوى بالكبد دارت سنينه=ماعاد يشفيه الطبيب المداوي

قالوا لي اطو الياس وينك وينه=قلت المحبه من كبار البلاوي

راعي الهوى ماتقبل النوم عينه=ويعيف حتى صحبته والدناوي

عندي كلام الناس مثل الرطينه=اصغي لهم بالسمع والقلب داوي

اللي يعذل مولع من خدينه=يرخص ولو هو كان يسوى مساوي

يا ناس خلو الهرج زينه وشينه=كنكم علي مقومين دعاوي

الأنسان يتبع ماكتب في جبينه=ويمشي على رايه ولو كان غاوي

متى تهب النود عقب السكينه=ويذعذع الغربي بحظ الرجاوي

الله يسكنك الجنه يابن نوطان