صباحكم / مساءكم ورد جوري
تنفسوا هذا النص عسى أن يلامس ذائقتكم
إليكم ،،
ܔܓ
خذني غلا ،، يا أصٌدق غلا بالوقت الأول والأخير=أبغاك تدرس حالتي أول ،، وأنا أدرس حالتك
،،
حنا نفس واحد ،، وروح ،، وقلب ،، وعيون ،، وضمير =عدالتي ظلمك ،، وظلمي منتهى عدالتك !!
،،
يابدري الطلــّـه ،، وياطلــّــتك يا البدر المنير=ترى خسوف القمر ،، بشارة وصول إطلالتك
،،
وإطلالتك عندي ( أنا ) ،، تعني لي الشي الكثير =لا صارت عيوني على خــدّك سحاب ،، وسالتك
،،
أوقف ،، وأسميك الملك ،، وشوي أسمٌيك الأمير=أخاف من سطوة سمــوّك ،، وأحترم جلالتك
،،
حبــك كبير ،، وبالمقابل ،، قدرك بقلبي كبير=إحساسي بــ( محبتك ) ،،، وإحساسي بــ( زمالتك )
،،
لا يضيق لك خاطر فديتك ،، لو يصير إللي يصير=إن كان ما شالتك الأرض ،، رموش عيني شالتك
،،
يا أترف مشاعر بالبشر ،، يا أرٌق من لمس الحرير=ساعة زمن ،، ممشاك من ( غرفتك ) ،، حتى ( صالتك )
،،
دلعك ،، يثٌقل ( خطوتك ) ،، وأحيان ،، يمنعك المسير !!=وأحيان ،، أشك إن ( الدلــع ) ،، سلالته سلالتك
،،
يومك تعـٌـض ( شفيفتــك ) ،، وإصبعك لــ( عيوني ) يشير=وتقول هذي مالتي ؟؟ ،، وأقول طبعآ مالتك !!
،،
تقولها ،،، وأعيش نشٌوتها ،، وأحس الموت أخير !!=لا شفت موتي بين ( عقرب ) صدرك ،، وسلسالتك
،،
تدري ؟؟ ،، لا شفت ( بيالتك ) ،، بأطراف ثغرك تستدير ؟؟=( أضرب على صدري ،، وأقول الحظ ،، حظ بيالتك )
،،
مدام ( أبوك ) الناي ،، ( وأمك ) ضحكة الطفل الغرير=وتصير ( عمٌتك ) الشطانه ،،، والشقاوه ( خالتك ) !!
،،
لازم عليك أغير من نفسك ،، وحتى منك أغير=عشان ،، لو تطاولك كل البشر ،،، ما طالتك
،،
ما طالتك ،،، يالأسمر الجذاب ،، يالملح المثير =ياللي سمـــارك .. جامعٍ ( سكر وملح ) أصالتك
،،
فتنٌتني بعيونك الخدرات ،، والزول القصير=وحببٌتني في طيشك ،،، وحببٌتني جهالتك !!
،،
ماعاد لي سلطة على حالي ،،، وأنا بــيديك أسير=ولا عاد لي حيــلٍ يساعدني ،، على حيالتك
،،
ياجعلٌني فدوتك ،،، من راســك إلى إصبعك الصغير=ياكبر بختي ،، يوم ناولتك يــدي .. ونالتك
،،
يا أصدق غلا ،، وأعذب غلا ،، بالوقت الأول والأخير=هذي خلاصة حالتي ،،، عطني خلاصة حالتك
ܔܓ
ودي وتقديري ،،
تدري ،، لا شفت بيالتك بأطراف ثغرك تستدير ؟،،،،، أضرب على صدري ،، وأقول الحظ حظ بيالتك
العرض الشجري